حضورنا وانصرافنا
بين حضورنا وانصرافنا
والتزامنا.. وانحرافنا
تكبر الأيام معانا
مهما حندارى اتكشفنا
كل مره نقول نسـينا
نفتكر أيّام حتيجى
القلق يسكن عينينا
واللى راح ماقدرشـى.. ييجى
يللى صوتك بين نسـيجى
موج غرامك فين حدفنا
لمّا خبّينا سـكوتنا
قلنا مافهمناش كلامنا
قلنا ندخل جوّة صوتنا
فالقلم يرسم ألمنا
الآهات اللى.. ف زمانا
بين شروقنا وبين كسـوفنا
لمّا سكّتنا كلامنا
اللى داوانا جرحنا
رُحنا جينا فى ألمنا
ما اكتملشى نصاب فرحنا
اتخاصمنا واتصالحنا
بين غلطنا وبين أسفنا
