بالفيديو .. مرتضى: "الميرغني عميل".. واللاعب: أنا مش هرد عليك

شن مرتضى منصور، رئيس نادي الزمالك، هجومًا حادًا على اللاعب أحمد الميرغني، بعد انتقاده للرئيس عبدالفتاح السيسي، قائلًا "مين الواد العميل ده. ده قليل الأدب. ده مطرود من نادي الزمالك لأنه مش محترم".

وتابع خلال مداخلة هاتفية مع الإعلامي وائل الإبراشي فى برنامج "العاشرة مساءً" المُذاع على فضائية "دريم": "عيب يا إبراشي تجيب عيل زي ده، وأوعى تدخلني معاه".

ورد عليه الميرغني قائلًا "رئيس نادي الزمالك اللى بنتمي ليه، ودي حاجة تشرفني، وهفضل أعشق الزمالك لحد ما أموت، وهو بيقول إني انطردت وهو مش عارفني، وبيقول كده عشان يقلل من قدرى وأنا عارف قدرى كويس جدًا، هو فاكر لما يزعقلي أو يشتمني، ولو عنده حاجة تثبت أني عميل يطلعها".

وتابع "كان سهل أرد عليه وهو بيشتمني على الهواء كده، بس مش هعمل كده، وما ردتش لأنه رئيس نادي الزمالك".