بالفيديو.."الشيخ ميزو" لـ"طونى خليفة": أنا ممكن أتقتل برصاصة !!

وافق محمد عبد الله نصر، الملقب بـ"الشيخ ميزو"، على عرض الجزء الذى تم تسجيله له بدون علمه فى غرفة المكياج فى برنامج "بدون مكياج" الذي يقدمه الإعلامي طوني خليفة على فضائية "القاهرة والناس".

وقال نصر "أنا عمري ما بنتقي كلمات حتى ولو فى 100 كاميرا، واللى بقوله قدام الناس زي اللى بقوله فى أي حتة، والدليل على كده أني بتكلم فى التليفون وبقول اللى عايزه مع أني عارف أني متراقب من كل حتة، وبقول اللى عايزه فى الشارع، ولو بخاف مكنتش اتكلمت على النقاب؛ لأن كان ممكن اتقتل برصاصة أو اتدبح من داعش".

وجاء فى المقطع الذى تم تسجيله له وهو يقول: "إن معظم الإعلام فى مصر موجه لهدف ما، وأنه يظهر به لأن البديل الوطني له غير متواجد، وحتى ماسبيرو التابع للدولة مُخترق من الطابور الخامس".

وعلق خليفة على كلامه فى الفيديو قائلًا "دى مواقفك وتتحمل لوحدك مسئوليتها ولا نتبنى أفكارك"، ورد عليه "ميزو" قائلًا: "بتبيعني، ما تنساش العيش والحلاوة".