بالفيديو..شقيقة "سعاد حسني" للراقصة برديس: هسجنك .. والأخرى ترد: متقدريش

نشبت مشادة كلامية بين جنجاه عبدالمنعم، شقيقة الفنانة الراحلة سعاد حسني، والراقصة برديس، صاحبة كليب "ياواد يا تقيل"، حيث هاجمت جنجاه خلال مداخلة هاتفية مع الإعلامي وائل الإبراشى فى برنامج "العاشرة مساءً" المذاع على فضائية "دريم" برديس قائلة "ده مش فن ده جنس مباشر.. وأنا ممكن أسجنك".
وردت عليها برديس منفعلة "مش هقبل اسمع كلامك ده، أنا وقفت الكليب احترامًا ليك وأعتذرتلك، ومتقدريش تسجنينى عشان أنا وقفت الكليب بعد عرضه بـ 3 أيام".
وقالت "عبدالمنعم" "المفروض ما تتكلميش خالص، ملكيش دعوة بالفنانين الكبار زى سعاد حسنى، مين أنت عشان تقارنى نفسك بسعاد، وانت اعتذرتى بعد ما عملتى الإسفاف الكبير ده، أنت ما بتحترميش حد ومش بتحترمى نفسك عشان تحترمى الآخرين"، وأضافت "المصنفات لازم تمنع الحاجات اللى بتحصل دى ده مسخرة وايحاءات مش فن".