"أسامة كمال" تعليقا على حادث الشروق: "بقينا جبلات وما بنحسش"

علق الإعلامي أسامة كمال، على حادث أوتوبيس الشروق الذي وقع ظهر اليوم، والذي أسفر عن وفاة 9 أشخاص وإصابة 26 آخرين.

وقال كمال، في برنامج "القاهرة 360" المذاع على فضائية القاهرة والناس: "بقينا بنعمل في نفسنا زي اللي "داعش" بتعمله فينا أو أكتر، بقى عندنا حالة من الاستهتار واللامبالاة وانت مستعجل على إيه يا عم سواق الأوتوبيس ده أنت طالع رحلة، وبتعدي من مكان، والمدرسة اللي سمحت بإن الأطفال يعدوا من المكان ده وهي عارفة إنه خطر ذنبهم في رقبتها".

وتابع كمال: "ربنا مش هايغير أي حاجة في حياتنا إلا لما نغير ما بأنفسنا، إحنا اللي غيرنا في خلقة ربنا وبقينا ما بنحسش وبقينا "جبلات" وبقينا عادي جدا، إن واحد ياخد أطفال ويطلع بيهم رحلة وبعدين يرجع من غيرهم، وكل حاجة شايفينها عادي ومش مشكلة".

يذكر، أنه لقي 9 طلاب مصرعهم وأصيب 26 آخرين بإصابات بالغة، نتيجة اصطدام قطار بأوتوبيس رحلات مدرسية، كان قادمًا من محافظة الغربية عند مدخل بوابة مدينة الشروق.