عمرو العمروسي يهاجم برنامج "أراب جوت تالنت" بعد خروجه منه

بعد خروجه من مسابقة برنامج "أراب جوت تالنت4"، هاجم عمرو العمروسي، لجنة تحكيم البرنامج، ببيان قام بنشره عبر صفحته الشخصية بموقع "فيس بوك"، قال فيها: "والله العظيم أقسم برب الكون إني كنت هاعمل العرض أحسن من كده وأنا كنت عارف كل حاجة وكنت طالع آفش من حاجات كتير وأنا اللي طولت في العرض وتم الموافقة على العرض قبلها بثلاثة أيام ومزيكا العرض قبلها بيومين وبنطلون العرض المعفن الوحش قبل العرض بخمس ساعات وشكراً و الحدق يفهم و إن شاء الله هاصور العرض اﻷصلي وأعرفوا انتوا اترفض ليه؟".

وأضاف: "أنا مبحبش الشماعات أرجو من اللي هيشتم يشتم بس ميجبش سيرة الشماعة وأنا آسف طولت عليكم و التيشرتات محدش كان عارف إني لابس تيشيرتات دي كانت فكرتي لأن مكنش ينفع أقول علشان لسه صغير بس أنا أتحديت الموضوع؟؟ و دي مش سياسة أنا بقول الحقيقة في ناس ماتت ولا لا وإحنا كلنا مستنين حكم المحكمة وأنا بمثل نبض الشارع".

يذكر أن العمروسي، خرج من المسابقة في حلقة التصفيات قبل النهائية، وذلك بعد تقديمه عرضا طويلا وغير مفهوم في الحلقة بخلاف العرض الذي أبهر به لجنة التحكيم في حلقات العرض غير المباشرة.