شاهد .. "أمير داعش" يتحول إلى "سواق ميكروباص" في مصر

نشر أحد نشطاء موقع التواصل الاجتماعي "فيس بوك" سيناريو محتمل لعناصر تنظيم "داعش" في حال دخولهم مصر.
وجاء "البوست" الساخر؛ ليؤكد أن عناصر تنظيم "داعش" لن تفلح في دخول مصر بسبب الأزمة المرورية، وشغف المصريين بالتصوير مع المتفجرات، وعدم خوفهم من الرصاص.
وقال شريف صبري "داعش" نزلوا عشان يحتلوا مصر :
راكبين عربية نص نقل ومكروباص فيه ورافعين أعلامهم الخاص بيهم...
اتزنقو على الدائرى..
الريس بتاعهم بص لقى واحدة شايلة قفة على دماغها بتقوله والنبي يا ابني خدني معاك عبود..
الداعشي: بس يا ولية انتى مش عارفة احنا مين احنا جايين نحتل مصر
الست: طب ماشى وماله خدنى معك عبود ياخويا ينوبك ثواب
الداعشى: باقولك جايين نحتل مصر انتى مابتفهميش
الست: ياموكوس ماهو انت لازم تروح عبود اومال ها تحتل المحافظات التانية ازاى؟؟
الداعشى: بس ياولية غورى من هنا
الست : ضربة فى فخادك يابعيد وغارة تاخدك
وراح الموبايل بتاع الداعشى رن
الو.. ايوة يا شيخ بغدادى ياأمير المسلمين... لأ لسة احنا مزنوقين على الدائرى زحمة قوى
البغدادى: دائرى إيه وزحمة إيه يابغل قولهم أن أنتم داعش
الداعشى: ما أنا قلت لهم لقيت واحدة بتقولى خدنى معاك موقف عبود
البغدادى : خوفهم اضرب كام قنبلة على كام رصاصة
الداعشى: والله عملنا كده فى اول الدائرى الناس وقفت تتفرج على القنابل
البغدادى: يخرب بيتك ألو الو
الداعشى: الحق ده المصريين جايين يتصورو معانا سيلفى
البغدادى : ايه التهريج ده
الداعشى: استنى يا امير المسلمين الدواعش اللى معايا فى العربية نزلو كلهم
البغدادى: نزلوا راحو افى انهى نصيبة
الداعشى: لقو المصريين ملمومين حوالين عربية كبدة نزلو ياكلو معاهم
البغدادى: يخرب بيوتكم والله لهاقتلكم كلكم
الداعشى: ياعم هو انت مش ها تتشطر الا علينا...
وادى الدقن!!!. وأدى العمــة.. ..!!!.. يالا ياحاجة..
عبود... عبود.. عبود.. عبود