بعد العودة للتوقيت الصيفي.. " الساعة كام؟" لسان حال المصريين!

يعيش المصريون الآن حالة من "التوهان" عقب تغيير الساعة للمرة الثالثة خلال 3 شهور لنعود مرة أخرى للتوقيت الصيفي، ليكون السؤال الدارج الذي نسمعه اليوم قبل " صباح الخير".. هي الساعة كام دلوقتي؟
وقد عبر المصريون عن استيائهم الشديد مما وصفوه بـ" اللعب في الوقت" فيقول أحمد:" الواحد مش عارف لزمته إيه التغيير دا.. وكلها شهرين وهنرجع للتوقيت القديم استفدنا إيه بقى."
وافقته في الرأي أميرة قائلة:" الواحد خلاص اتلغبط لا بقى فاكر مواعيد صلاة وعارف يظبط الساعات بتاعتنا.. بيتنا كل ساعة فيه ماشية على توقيت".
هذا الاستياء الذي شاركهم فيه كبار السن، فتقول أم محمد:" تغيير الوقت دا صعب جدا خاصة لحد كبير في السن بيحب ينام بدري ودلوقتي مضطر يستنى لحد بعد 9 عشان يصلي العشا".
ولم يكتف المصريون بالكلام فلجئوا للكتابة والصور حيث انتشرت على الفيس بوك وتويتر التعليقات الساخرة والصور المضحكة عن قرارات الحكومة والتوقيت الصيفي..