ساويرس يغرّد.. «هذه حكايات الحب والمال»
دائمًا ما يحب رجل الأعمال المهندس نجيب ساويرس «التغريد» على موقع التواصل الاجتماعي للتدوين المصغّر «تويتر» ويتفاعل مع متابعيه الذين يتجاوز عددهم 4 ملايين، ليرد هنا ويشارك هناك ويشتبك مع مَن يخالفه الرأي، لكن في أوقات كثيرة تثير تدويناته الجدل وغالبًا ما يشارك تفاصيل يومه على «تويتر» بحس فكاهي ويتلقى تعليقات روّاده وسرعان ما يرد عليها بتواضع و«خفة دم» وما بين الحب والمال يثير ضحك المتابعين.
حوار ساخر دار بين أحد المغرّدين المصريين ورجل الأعمال على «تويتر»، حيث أرسل أحد المغردين" يا باشمهندس عندي سؤال جاد لحضرتك، هو لو في واحد شغّال في واحدة من أكبر الشركات في العالم ومستواه بتقييم الشركة exeed expectations بس الغربة قتلاه وعاوز يرجع بلده يعمل إيه"؟
وجاء الرد فورًا من ساويرس:" يرجع لأن مصر أجمل بلد فى العالم، بس يدوّر على شغلانة كويسة قبل ما يرجع أو يفكّر فى مشروع يعمله"، ليرد عليه آخر: أجمل بلد للأغنياء بس (!)
هكذا استمرت التعليقات والتفاعل مع نجيب ساويرس الذي غرّد:" وإيه دخل الغنى في الشمس والنيل والبحر الأحمر والأقصر وأسوان وخفة دم وطيبة المصريين..؟؟"
وتفاعل المتابعين مع ساويرس، حيث رد آخر:" الناس فاكره أن كل حاجه الفلوس وبس، فيه حاجات متقدرش تشتريها الفلوس"، ليرد عليه ساويرس:"بالضبط ! الحب والسعادة والصداقة".
«بصراحة أنا بعشق حاجه اسمها نجيب ساويرس بس أنا مش معاك في كلامك لازم تعرف يابشمهندس إن الفلوس كل حاجة وبتحل مشاكل كبيرة أنا هتكلم عن نفسي أنا مقدرتش اتجوز البنت اللّي بحبها من 5 سنين عشان معنديش شقة ملك واتجوزت، واحد عنده عمارة وأكبر منها كمان بس الفلوس بتعمل كل حاجة، هكذا تفاعل أحد المتابعين مع التغريدة معبرًا عن حبه لرجل الأعمال نجيب ساويرس البسيط قاصًا عليه حكايته.
فيما رد عليه ساويرس بشكل فكاهي:" لو سابتك علشان الفلوس يبقى مكانتش بتحبك وبالتالى ما خسرتش حاجة.. الجواز أساسًا صعب ولو من غير حب كمان بيبقى مصيبة".
