فيديو.. أحمد فهمى: «أكرم حسنى عمل كل حاجة وناقص يلعب باليه»

أعرب الفنان أحمد فهمي، عن حبه الشديد لصديقه الفنان أكرم حسني، والذي شاركه بمسلسل «ريح المدام» في رمضان الماضي محققين نجاحًا باهرًا.

وقال «فهمي»، خلال لقائه في برنامج "أنا وأنا"، تقديم الإعلامية سمر يسري، على فضائية «On e»: «أكرم شخص تافه لكن أنا بحبه على كده، وبيعمل حاجات إحنا مش بنعملها، وبشتري حاجات غريبة بأرقام كبيرة، وعايز يعمل كل حاجة في نفس الوقت».

وتابع: «أكرم مجتهد للغاية في عمله وموهوب.. لما بحتاجه بيقف جمبي، ومحصلش بينا خلاف في أي موقف لكن بيبقى فيه اختلاف في وجهات النظر في الشغل عشان نوصل لأفضل عمل».

وأضاف: «أكرم عمل كل حاجة مسلسلات وأفلام وإعلان ناقص يلعب باليه، وللأسف بيجي على صحته، والحياة بالنسبة له سهلة ومش شايل الهم ومفيش مشكلة في أي حاجة».