القاهرة : السبت 18 نوفمبر 2017
محمد الباز رئيس مجلسى الإدارة و التحرير
محمد العسيري رئيس التحرير التنفيذي
ads
ads
تحقيقات
الخميس 14/سبتمبر/2017 - 05:56 م

«سوشي وميكب ونظارات».. هدايا بـ«كام شير» على «فيس بوك»

 هدايا بـ«كام شير»
هدايا بـ«كام شير»
سها يحيى
dostor.org/1548224

«كام شير».. جملة أحدثت صيحة كبيرة على مواقع التواصل الاجتماعي خلال الأيام القليلة الماضية، بعد إقبال عدد كبير من النشطاء عليها بمشاركة منشورات شركات معينة عن منتج مقابل الحصول على هذا المنتج من الشركة، فيسأل أحدهم «كم شير» ليحصل على منتج ما، ليأتي رد الشركة بالرقم الذي تريده من «الشير» لكي يحصل على المنتج، في طريقة جديدة للتسويق للمنتج.

وعلى الرغم من اتخاذ البعض الأمر على محمل السخرية، إلا أن بعض المروجين استجابوا للفكرة، وأعلنت عدة صفحات مشاركتها في التحدي، بتوفير سلعة أو خدمة، مقابل عدد معين من الشير، بهدف الترويج لأنفسهم.

"ميكب وفستان ببلاش"
ونشرت صفحة "ميكب آب أرتيست": «عشان بنات كتير بعتتلنا كام شير وتعمليلي ميكب أو فستان ببلاش، أنا معاكوا في أي حاجة تفرحكوا، الشير المطلوب 3000 شير وتاخدي فستان أو تعملي ميكب ببلاش، هتعملي سكرين شوت للبوست ده وتعمليلنا منشن وتنزليه في صفحتك، ولازم يبقى public، لو البوست اتعملوا 3000 شير يبقى فوزتي، مفيش سحب كل اللي هيكسب هيتعملوا ميكب أو فستان».

"50 قطعة سوشي"
وشاركت صفحة أخرى تدعى "sushi bike"، لأشخاص يبيعون "السوشي على دراجة"، في لعبة "الشير"، وقالت في منشور "طيب الخطة كالتالي، عشان ناس كتير أوي بتبعتلنا كام شير، وكل واحد عاوز يشارك هيشير البوست ده، أخر معاد 12 سبتمبر 2017، سكرين شوت أكبر رقم وابعتلنا، أكبر رقم هياخد 50 قطعة، تاني أكبر رقم هياخد 30 قطعة، تالت أكبر رقم هياخد 20 قطعة".

"عزومة في فيجاس"
وانضمت صفحة تابعة لمطعم "فيجاس" إلى اللعبة، وكتبت في منشور "كام شير وتتعزم في فيجاس"، لو حابب تلعب معانا فالموضوع بسيط لكن مختلف شويه، كل اللي عليك إنك هتاخد البوست ده وتنزله عندك وتعمل لفيجاس مينشن فيه، هنلعب معاكم حتى نهاية شهر سبتمبر، الخصم لصاحب البوست فقط"، وحددت الصفحة عدد الشير في صورة جاء فيها "كل 100 شير خصم 10%، 200 شير خصم 20%، ولو قفلت الـ1000 شير عزومتك علينا".

"عدد الشير حسب النظارة"
وعرضت صفحة للنظارات، تدعى "بصريات عزت إبراهيم"، المشاركة في اللعبة، وكتبت في منشور، الناس اللي بتسأل كام شير تكسب نظارة، أول شرط لازم لايك للبيدج، تاني شرط الأدمن بيحدد عدد الشير على حسب النظارة، تالت شرط شير للصفحة، رابع شرط تمنشن الصفحة في البوست، خامس شرط ممنوع استخدام الجروبات".

"قسيمة خصم"
وبقسيمة خصم، شاركت صفحة "سوق كوم" في لعبة التسويق بـ"الشير"، وجاء في منشور لها "الفترة الأخيرة جالنا رسايل كتير بتقولنا كام شير واخد حاجة هدية، وإحنا منقدرش نزعلكوا عملنا تحدي سوق، اللي عايز يشارك هيعمل شير للبوست ده، وهينزل بوست على صفحته في سكرين شوت من البوست ده، ومنشن لصفحتنا مع هاشتاج "souqchallenge"، وكتابة عدد الشير اللي هتوصلوا واللي هيجيب 5000 شير هياخد قسيمة خصم بـ500 جنيه، واللي هيجيب 10000 شير هياخد قسيمة خصم بـ1000 جنيه، واللي هيجيب 50000 شير هياخد قسيمة خصم بـ5000 جنيه، برجاء اتباع شروط المسابقة كاملة، غير متاح عمل شير أكتر من مرة على البوست بتاعك من نفس الشخص، أول 3 أشخاص هيوصلوا للأرقام المطلوبة هيكونوا هما الفائزين، هتكتب قيمة الكوبون اللي عايزه في البوست بتاعك لان أول واحد هيوصل لقيمة كل كوبون هيكون هو الفائز".

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

«سوشي وميكب ونظارات».. هدايا بـ«كام شير» على «فيس بوك»

ads