بالفيديو.. سما المصري: «أنا هعمل البرنامج الديني كنوع من التحدي»

استنكرت الفنانة سما المصري، تهديد البعض لها بتحريك دعاوى قضائية ضدها، بسبب فكرة تقديمها لبرنامج دينى خلال شهر رمضان الكريم، قائلة: «لسة مفيش برنامج وحلقات طيب ترفع قضية على إيه.. ليه الضجة دى ومفيش حاجة!.. الفكرة اتعرضت عليا وأنا حبيت أعملها كنوع من التحدي أنى أعمل حاجة جديدة، رغم أنا مش مهيأة ولا ذو ثقة أنى أعمل الموضوع ده».

وأضافت «المصري»، خلال اتصال هاتفي ببرنامج «كل يوم»، الذي يقدمه الإعلامي عمرو أديب، عبر فضائية "ON E: «أنا هكون مجرد محاورة فقط وفيه مشايخ من الأزهر بتحل مشاكل الناس.. والأزهر لو قعد مع مصر كلها مش هيقعد معايا».

وقال لها عمرو أديب: «حضرتك متخيلة فعلاً أن فيه علماء من الأزهر ممكن يجيوا ويحضروا معاكى فى الحلقة؟»، ردت سما المصرى: «أنا سألت بتوع القناة نفس السؤال فقالوا لى أيوة.. بس أنا شاكة فى الكلام ده الحقيقة.. مفتكرش لو  أنا عالمة فى الأزهر هاجى أقعد أمام سما المصرى علشان أقول رأى فى الدين».

وتابعت:« فيه مشكلة مع القناة أنهم عوزينى أطلع بالحجاب وأنا مش محجبة.. أنا عارفة أن الناس هتقعد تتفرج عليا علشان تتريق عليا وتشتمنى بس أنا بقول يمكن حد يستفاد من معلومة».