تعليقًا على تهجير الأقباط من العريش.. باسم يوسف يصف المصريين بالعنصرية

علق الإعلامي المصري الساخر، باسم يوسف، على أزمة تهجير الأقباط من العريش، بعد تعرض عددًا منهم للقتل على يد عناصر تنظيم «داعش »الإرهابية.

و كتب «يوسف»، في منشورًا له على موقع التواصل الاجتماعي «فيس بوك»: « طيب فيه ناس لسه بتهاجم اللي أنا قلته إن فيه عنصرية في مجتمعاتنا بأنها أنه المسيحيين بيتعاملوا أحسن معاملة و أن الحوادث اللي ضدهم دي حوادث فردية (طبعا) و أن فيه خلط بين الأفراد و المؤسسات الدينية و الحكومة . طيب انا مش حخش في النقاش ده و اجيب عشرات الأمثلة عن معاملة المسيحيين في مصر . ماشي يا عم المتسامح. المسيحيين عايشين ملوك و لا بيتهجروا و لا حاجة ..و الذبح اللي شغال في سينا ده لا يمثل الإسلام . معروفة».

واتهم «يوسف» المصريين بالعنصرية، قائلاً:«بس أفتكر أن أنا قلت أن فيه عنصرية و تفرقة ضد "غير المسلمين " . يعني بهائيين لا دينيين ، ملحدين الخ الخ. و لو أنت شايف نفسك متسامح و الدنيا فلة و أننا أحسن من الغرب أسأل نفسك لو واحد عمل فرشة في شارع أو ميدان عام زي المسلمين كده في أوروبا بيجيبوا ترابيزات بيحطوا عليها مصاحف . و الواحد ده ابتدى يدعوا للبهائية أو ابتدى يشكك في القران أو البخاري . الشعب العادي اللي من غير بوليس أو أزهر حيعمل في الراجل ده أيه؟ أنا بعيني شفت واحد مسلم في مترو نيويورك عمال يشخط في اللي رايح و اللي جاي و يقول للناس أن الإنجيل محرف وأن كلهم على ضلال . و لا حد قربله. بس معلش يا جماعة أحنا فلة و حلوين و مافيش أي مشاكل في مجتمعاتنا».