عودة "صبايا الخير".. وريهام سعيد: "أطفال كتيرة ماتت بسبب وقف البرنامج"

عادت الإعلامية ريهام سعيد، لتقديم برنامجها "صبايا الخير" بعد وقفه ستة أشهر، بسبب أزمة "قضية فتاة المول".

واعتذرت "سعيد"- في أول حلقة لها- قائلة: "أعتذر لكل من سببت له مضايقة.. أعتذر لكل فئات الشعب التي من الممكن أن تكون قد انزعجت حتى لو بسوء تفاهم".. مضيفة: "ربنا عالم وشاهد عليا إننا كنا بنحاول نقول الحقيقة".

وتابعت: "لو الناس شايفة إني محتاجة أتعاقب فأنا اتعاقبت، قعدت في البيت 6 شهور، وناس كتير أوي ماتت، واتهزأنا واتشتمنا، وناس اتريقت علينا، واتحكم عليا بسنة ونص سجن، أنا بعتذر للمرضى اللي أهلهم بيبكوا عليهم دلوقتي لانهم ماتوا، وأطفال كتير جدًا ماتوا بسبب وقف التبرعات، وناس عملياتها اتاخرت".