«من حفل أمس».. هذا ما فعله تامر حسنى مع طلاب الثانوية العامة
كشفت الفنانة هاجر الشرنوبي، عن موقف جمعها بالفنان تامر حسني وعلاقته بجمهوره ودوره المؤثر في المجتمع وخاصة الشباب منه، معربة عن حبها له واستحقاقه لقب "نجم الجيل".
ونشرت الفنانة هاجر الشرنوبي، صورًا للفنان تامر حسني، معلقة عليها: "عاوزة بس أحكي موقف عن تامر حسني.. هو فعلًا مكدبش خبر أول ما عرف إن البنات ذاكروا علشانه وعلشان الفيديو اللي نزله يشجع فيه طلاب الثانوية العامة بعد ما يأسوا وتعبوا".
وأضافت: "وأول ما المدرس بتاعهم قالهم إن كل الطلبة الأوائل في كل المواد هيجمعوهم ويعملو حفلة كبيرة وتامر هيغني فيها.. ذاكروا وقفلوا المادة وطلعوا الأوائل.. يعني من الآخر كده عمل اللي الأهل نفسهم معرفوش يعملوه بالفيديو دا".
وتابعت: "أول موقف حصل من تامر إنه خد الفيديو اللي صورته أنا ومريم وملك بنات صاحبتي ونزله عنده وكتب كلام عنهم خلاهم مش مصدقين نفسهم وتاني موقف عمله إنه فضل مستنينا أكتر من ساعة بعد الحفلة من غير ولا جارد في عربيته في الشارع بعيد عن الزحمة وهو طبعًا تعبان من مجهود الحفلة علشان هو وعدهم إنه هيتصور معاهم.. وإحنا طبعا اتحشرنا في الزحمة بسببه".
وواصلت: "شكرًا بجد يا تامر مش جديد عليك جدعنتك دي ومش مستغربة كمية حب الناس ليك والزحمة اللي قفلت إسكندرية كلها من ولاد صغيرين لشباب لناس كبيرة في السن تستحق بجد إنك تكون نجم الجيل بأخلاقك وأسلوبك وموهبتك الكبيرة أوي".
واختتمت: "شكرًا بجد إنك فرحتهم وفرحت ناس كتير أوي وشكرًا إنك إديتهم من طاقتك الإيجابية وخليت كل الطلبة اللي كانوا كتير أوي النهارده يذاكروا شكرًا.. بنحبك يا تامر".
حفل تامر حسني بالإسكندرية
ويعتبر حفل أمس، هو الأول للنجم تامر حسنى في الإسكندرية هذا الصيف وقدم تامر باقة من أروع أغانيه لمحبيه ومعجبينه، بالإضافة إلى أنه قدم أغنية جديدة قام بطرحها الأيام الماضية بعنوان "حياتنا" والتي لاقت نجاحًا كبيرًا على مواقع الاستماع والمشاهدة يوتيوب.
فيلم "بحبك"
يشار إلى أن تامر حسنى يعرض له حاليًا فيلم "بحبك" والذى يشهد أولى تجارب تامر الإخراجية فى السينما، وهو من تأليفه وبطولته، ويشارك فى بطولته كل من هنا الزاهد وحمدى الميرغنى ومدحت تيخة وهدى المفتى، أحمد عزمى، وتميم عبده وسمر محمد متولى، وعمرو صحصاح وعاليا راشد، شهد الشاطر، وآخرين، وتدور الأحداث حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.