تامر حسنى يعلن تحقيقه أرقامًا قياسية ويشكر «سينرجى فيلمز»

وجه النجم تامر حسني الشكر إلى شركة سينرجي فيلمز لدعمه في إنتاج فيلمه الأخير بحبك الذي طرح بدور العرض خلال موسم عيد الأضحى المبارك، بالإضافة إلى توجيه رسالة تشجيع للشباب على العمل والاجتهاد.

وكتب تامر، عبر حساباته الرسمية على مواقع التواصل الاجتماعي: "الحمد لله من جد وجد وربنا بيكرم على قد التعب الحمدلله عشان نجحت وحققت الإنجازين دول (2.6 مليون زائر للفيلم و600 مليون إيرادات بالخارج والداخل) وأثبت إني كنت شايف صح وصاحب رؤية وشخصية فنية مستقلة مبتمشيش غير ورا قناعتها اللي بتتبني بعد دراسة كبيرة للأشياء، حبيت أقول للشباب مفيش مستحيل، بقول الكلام دا عشان يكون قدامكوا عبرة واضحة تخليكوا متيأسوش ودايمًا عندكوا أمل ولا يهزكوا أي حروب وأحقاد وناس مأجورة جانب الاجتهاد الحقيقي والإنسان لما يبقى عنده تحدي قوي مؤمن بيه".

وتابع: اللي بيطلع من القلب بيوصل للقلب ولا يصح إلا الصحيح، واوعى تفتكر إن في مخلوق على الأرض يقدر يوقف رزقك، هيجيلك يعني هيجيلك ما دام اجتهدت وعملت اللي عليك، شكرًا سينرچي وسكاي ليميت وفيلم سكوير وth برودكشن وأورينت الدولية إنكم صدقتوني لما قولتلكم إن شاء الله هنعمل إنجاز تاريخي بفيلم رومانسي في عصر العنف والقتل، وهنرجع نحب ونرجع المشاعر تاني، أهو الإنجاز بقى إنجازين رقم عمري ما طلبته من ربنا لإنه عمره ما يجي في خيالي كنت أطمح في ربعه وعدد زوار الفيلم ربنا كرمنا، وفخور كل الفخر بأن أعلى رقمين في تاريخ السينما على مر العصور تم تحقيقهم بفيلم من تأليفي وموسيقتي التصويرية وإخراجي الحمدلله ومليون مبروك لجميع أبطال وصناع الفيلم، وكل الشكر الجمهور المصري والعربي والعالمي اللي شرفنا وتسبب في هذا الحدث العظيم في حياتي.