مي كساب: «نسيت الـ11 سنة اللي فاتوا وهكون إنسانة وفنانة جديدة»
نشرت الفنانة مي كساب منشورًا طويلًا عبر حسابها الشخصي على موقع التواصل الاجتماعي “فيسبوك” عبرت فيها عن معاناتها خلال السنوات الماضية وكيف تغلبت على الصعاب خلال الفترة الماضية وكيف تنوي تكون إنسانة وفنانة مختلفة خلال الفترة القادمة.
وكتبت مي على صفحتها: “الكام يوم اللي فاتو كانو أطول مدة أقعدها لوحدي في حياتي وباعترف شفت الحقيقه الكامله حقيقه نفسي حقيقة كل حاجة حواليا وعرفت قيمة كل حاجة وندمت على كل لحظة ظلمت فيها نفسي أو ظلمت حد من اللي بأحبهم وبيحبوني اللي بتكتب دلوقتي مي بس بتاعه 2010 بس بمخ العشرين سنه اللي اشتغلت فيهم ونجحت وأخفقت بسبب ظروف وأوضاع اتفرضت عليه بس الحمد لله راضيه تمام الرضا علي كل إبتلاء وكل مشكله إتحطيت فيها لأن في الآخر ربنا سبحانه وتعالي كان بيحلهالي في الاخر عشان أقدر نعمه أنا عدي عليه 11 سنه صعبين جدًا”.
وتابعت، “يمكن القريبين مني عارفين أنا إستحملت إيه وواجهت إيه أنا مسحت كل لحظة مش عاوزة أشوفها تاني عشان بتفكرني إني كنت مش أنا وسببت كل لحظة وكل صورة بتعبر عني وعن اللي جوايا وعن أكتر حاجات مأثرة جوايا كفنانة وكإنسانة ومسحت كل صوري العائلية ولو إن دي مش أنا لحد ما أرجع أنا وأسجل لحظاتي الحلوه مع عيلتي الجميله أكبر نعمه من رب العالمين جوزي وأولادي وأهلي وأصحابي وزملائي رفاق الرحله الأوفياء الصادقين السند والضهر اللي خلاني أعرف أعدي الـ11 سنة دول بأعترف عقبال عوضك كان عوضي الفني والإنساني بعد صبر 11 سنة حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن وبإذن الله العلي الكريم أنا هأرجع أنا وهأحارب وأقاوم كل روح شريره وكل طاقة سلبية أثرت عليه في السنين اللي فاتت وربنا يقدرني وأكون إنسانة صالحة وفنانة صاحبة رسالة وأكون خير في الدنيا بحبكم من قلبي وحقيقي حبكم ليه هو الحياة”.
وكانت الفنانة مي كساب، وجهت رسالة خاصة لجمهورها وذلك بعد أيام من إعلان إصابتها بفيروس كورونا المستجد، وتلقيها العديد من اتصالات ورسائل متابعيها.
وقالت في منشور عبر صفحتها الشخصية بموقع "تويتر": "ودائمًا وعد الله حق ألف حمد وشكر لله على الحب اللي لا يقدر بتمن من كل محنة منحة ومنحتي من الله هي الحب والاهتمام والعطاء من كل الناس اللى حواليه".
وكشفت عن تطورات حالتها بعد أيام من العزل قائلة: "شكرًا من قلبي وقوفكم جنبي بالأفعال والكلام والدعوات أكبر منحة من رب العالمين الحمد لله أنا أحسن كتير بفضل الله وإن شاء الله أيام العزل تخلص على خير عشان جوزي وولادي وأبويا وحشوني قوي وأنا معاهم في نفس البيت بس إحساس إنك محروم من حضنهم صعب قوي 14 يومًا يا رب يبقوا دول بس عشان مش هاقدر أكتر من كدة شكرًا من قلبي لكل من ساندني عائلتي أصدقائي زملائي جمهوري حبكم حياة".