بعد الصور المثيرة للجدل.. أسماء شريف منير تكشف حقيقة ارتباطها بـ«أنتيكا»

تصدرت أسما شريف منير، الترند، وذلك عقب تداول معلومات تفيد ارتباطها بالمصور الشهير "أنتيكا"، عقب طلاقها من محمود حجازي .

بدأت قصة تداول الشائعات حول ارتباطها عندما قامت بنشر صورًا لها مع المصور عبر صفحتها الرسمية على “انستجرام”، وتوجهت لها عدد من التعليقات تفيد بارتباطها من أنتيكا، إلا إنها ردت على جمهورها، نافية وجود أي علاقة عاطفية بينهما، مشيرة إلى أنه مثل أخيها.

وكانت في آخر ظهور لها بعد طلاقها، خرجت الإعلامية وخبيرة التجميل أسما شريف منير عن صمتها عقب انفصالها عن الفنان الشاب محمود حجازي، حيث عقبت على الأمر عبر حسابها الشخصي على موقع تبادل الصور والفيديوهات “انستجرام”.

ونشرت الإعلامية صورة جديدة لها، معلقة:"دايماً لما اتنين بيسيبوا بعض كل واحد فيهم بيبقى عايز التاني يحس إنه تعبان من غيره، أو في حال أوحش، عشان يعرف يعدي ويقوم، هكدب عليكم لو قلتلكم محستش كده!! بس بما اني مركزة مع تجربتي المرة دي عشان فعلاً عايزه اتعلم واقوي بجد، قعدت احلل الإحساس ده بكل تفاصيله لحد ما وصلت إن لو فعلاً الواحد في يوم حب ازاي ممكن يتمنى لحد حاجة زي دي، ايه الأنانية دي؟ حتي لو اتأذيت ليه أوصل إني أتمنى ان الشخص التاني يتعب عشان يحس بقيمتي!! ده احساس مؤذي وده مش طبيعي، فهذبت نفسي ولومتها وقلت لنفسي إن لو ده اختبار من ربنا يبقي لازم الواحد يكون قده! مش كلام وخلاص".
وتابعت: «وتكون النهايات أخلاق مش ادعاء ، لكل ست في نفس الموقف لو حسيتي بكده اقفي مع نفسك! وقفي نفسك، وغيري التفكير ده من جذوره و دعي الخلق للخالق، ركزي في ازاي تقومي بطريقة صحية واتمني لغيرك اللي تتمنيه لنفسك عشان ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏سامحي حتي لو مش انتي اللي غلطانه، ان الله غفور رحيم (لا تنسوا الفضل بينكم)".