شاهد.. محصل كهرباء يسب مواطنًا بألفاظ خارجة ويعتدي عليه

تداول رواد مواقع التواصل الاجتماعي "فيس بوك"، مقطع فيديو، لمشاجرة بين أحد المواطنين ومحصل كهرباء، وصلت إلى اعتداء المحصل على المواطن؛ بسبب قطع الكهرباء عن منزله في إسكندرية، بعد تعليق إنذار قبلها بيوم واحد فقط.

وظهر في الفيديو المواطن وهو يقوم بتصوير محصل الكهرباء، ويقول: "امبارح جيت وحطيت إنذار على الشقق، وجاي النهارده تقطع الكهرباء عن الناس في الصيف، والناس ما بتجيش غير في شهر 7 و8، مينفعش تحط إنذار امبارح وتقطع التيار النهارده، أنت بتتجبر على الناس عشان ليك سلطة، واللي عايز تعمله أعمله براحتك بقي".

ورد عليه المحصل، قائلًا: "روح ألعب بعيد، وادفع اللي عليك الأول"، ودخل ليقوم بفصل الكهرباء، في حين رفض المواطن استخدام المحصل لمصعد العمارة؛ مما دفع المحصل إلى سب المواطن بألفاظ خارجة والاعتداء عليه.