بالفيديو.. "القرموطي" رداً على دعوات تكريم "والدة السيسي": "كفاية تطبيل"

هاجم الإعلامي جابر القرموطي، أصحاب بعض الجمعيات الأهلية، خاصة الدعوة التي تقدمت بها إحدى الجمعيات الأهلية بالغربية لتكريم والدة الرئيس عبد الفتاح السيسي بمنحها لقب الأم المثالية، ودعوة أحد المواطنين للاحتفال بيوم ميلاد الرئيس الموافق 19 نوفمبر، ليكون يوم الاحتفال بعيد الأب.

وانفعل القرموطي -خلال برنامجه "مانشيت" المذاع على فضائية "أون تي في"- على الهواء بسبب إعلان الجمعية أنها ستكرم والدة السيسي، قائلا: "وأنت مالك ومال أم السيسي، ولا تعرفوا شكلها أو صورتها، دة إحنا حتى مشوفناش صورة مراته أو ولاده غير مرة واحدة".

وأضاف: "أنا بقول بالبلدي كدة، اقفش تطبيل في الأخبار اللي زي دي، هي الأمهات خلصت ولا إيه؟! وكمان الرئيس السيسي مش من الغربية".

وردا على دعوة إحدى الجمعيات بجعل يوم ميلاد السيسي عيدا للأب، قال: "اللي عايز يعمل عيد الأب يوم عيد ميلاد الرئيس السيسي، طيب ولما ييجي رئيس تاني نعمل إيه نعمله يوم تاني ولا إيه"، مستطردا: "كفاية بقى، دة اسمه نفاق وتطبيل، وبطلوا عشان بقى دمكوا تقيل".

وواصل حديثه: "أي واحد عايز يعمل بروباجندا لازم يعمل حاجة ويدخل فيها اسم الرئيس، والرئيس مش عايز حد يطبل له، وسيبوا في حاله أحسن، وياريت تنتقدوه وبلاش تشكروه".

وأضاف: "أنا لا أتمنى أن يجلس السيسي أكتر من 8 سنين على كرسي الرئاسة، عشان نرسخ فكرة التغيير، بدلا من أن يأتى رئيس آخر مكانه، ميكونش هوائي وبدل ما يقعد 8 سنين، يقعد 80 سنة".