محمد زيدان لمواهب «كابيتانو مصر»: محمد صلاح بيعمل كل حاجة فى الكورة

تحدث محمد زيدان، نجم منتخب مصر السابق، عن حلمه لشباب برنامج "كابيتانو مصر"، لاكتشاف مواهب كرة القدم.

ووجه محمد زيدان في كلمته للشباب: "من 14 سنة كنت بلعب في كأس الأمم ودلوقتي انتم بتشوفوا أهدافي، وسبت ورايا حلم وتاريخ.. وكمان 10 سنين واحد منكم هيكون بيلعب في كأس الأمم واحنا بنتفرج عليه وأصحابكم يشوفوكم".

وأضاف: “إحنا كنا بنلعب وكان محمد صلاح زيكم، وفيه ناس بتقول صلاح مش مهاري أوي،  ولكن إحنا بنشوف صلاح بيعمل كل حاجة ومفيش حاجة مش بيعملها وبيجيب أجوال من كل مكان، بس اللي مخلي صلاح  هو التزامه  في مكانه ومع  زمايله”.

وتابع: "المهم إنك تسمع كلام مدربك وتساعد زمايلك، والمدافع دوره يلتزم بمكانه، في مكاني كل واحد يسمع كلام المدرب". 

معلومات عن البرنامج

برنامج "كابيتانو مصر" مشروع أطلقته الشركة المتحدة للخدمات الإعلامية كأكبر مشروع لاكتشاف المواهب الشابة فى كرة القدم، بالتعاون مع وزارة الشباب والرياضة، ويستهدف إجراء اختبارات لمواليد 2008، من أجل اختيار أفضل 11 لاعبًا وتوزيعهم على الأندية المختلفة، بهدف محاربة المحسوبية والوساطة التى تتخلل اختبارات الأندية لاختيار لاعبى فرق كرة القدم.