السيسى يطالب المحافظين بعدم السماح بالتعدى على جسور الترع أو حرم الطرق
قال الرئيس عبدالفتاح السيسي متحدثا عن التكلفة المهدرة في إنشاء المحاور: "لو مكنش كل المخالفات موجودة، كان محور التعمير اتعمل بسهولة من سنتين فاتوا، لكن عشان الإجراءات كتير وأعوض الناس ونزيل ونعمل المحور، ده كلفنا وقت وفلوس".
وأضاف السيسي، خلال افتتاح محور التعمير بالإسكنرية: "في مناطق مقدرناش نعمل فيها كدة، بسبب كثافة السكان العالية، احنا اضطرينا في بعض المناطق كثيفة السكان، نعمل كوبري يخدم الناس فقط".
ووجه الرئيس السيسي، بعدم السماح بالتعدي على جسور الترع أو حرم الطرق، قائلا: "المفروض منعملش كدة تاني، والمحاظفين لازم يرفضوا أي تعدي يحدث على الجسور، لو مكنش حصل تعدي على حرم الطريق، كانت المحاور اتعملت بربع التكلفة، لكن إحنا اضطرينا نكمل الصحراوي عشان يخف الضغط على الزراعي ونسمح بالدلتا بالتنفس اللي هي أصلا كثافتها السكانية عالية".
