«المطرب النقاش» يكشف كواليس رفض مشاركته فى حفل الأوبرا مع أصالة
كشف أحمد سالم، الشهير بـ"المطرب النقاش"، عن كواليس رفض مشاركته في الحفل الختامي لمهرجان الموسيقى العربية مع الفنانة أصالة قبل يوم واحد فقط من الحفل، رغم مشاركته في البروفات مع أصالة.
وقال، خلال مداخلة هاتفية ببرنامج "آخر النهار"، مع الدكتور محمد الباز، المُذاع على قناة "النهار": "جالي مكالمة من مكتب الفنانة أصالة، وقالوا لي عاوزينك تحضر معانا، والفنانة عاوزاك تحضر حفل ختام مهرجان الموسيقى العربية في الأوبرا، وأنا اتبسطت جدًا، وشرف كبير أطلع جنب أصالة، وفعلًا رُحت وحضرت البروفة في الأوبرا".
وتابع أحمد سالم: "قبل الحفل بيوم واحد فقط، يعني يوم الأربعاء، اتصل بي شخص من مكتب أصالة، وقالي إنت عندك مشكلة مع الأوبرا، ومش هينفع تطلع على المسرح بكرة، ولما حبيت أعرف ورُحت الأوبرا أسأل قالولي المهرجان هيبقى فيه الوزيرة وشخصيات كبيرة، ومش هينفع تطلع عشان إنت اسمك مش مصرح بيك تدخل".
وأردف: "الحمد لله على كل شيء، وربنا شايل ليا الأحسن، واللي أنا فهمته أن الفنانة أصالة عملت معايا كدة ومكنش عندها خلفية إني لازم يتم عمل التصريح ليا، وعملت كدة عشان تقف جنبي".
