«اكتبولي أمنياتكم».. منشور لـ تامر حسنى يُثير جدلًا عبر «فيس بوك»
طالب نجم الجيل تامر حسني، جمهوره عبر حسابه الرسمي على موقع التواصل الاجتماعي “فيس بوك” بكتابة أحلامهم في تعليق على صورة له نشرها عبر الحساب.
وقال نجم الجيل: "لكل محبيني الكرام، كلامي اللي في البوست دا نفسي يوصل للكل و ينفذه، ومحدش يسألني ليه بقول كدا بس اتمنى من كل قلبي انكم تعملوا اللي هقوله ، انا والله العظيم بحبكوا اوي يا جماعه ولا عمري حسيت نفسي معاكم غير اخ او حد من عيلتكم يلا دلوقتي حالاً كل حد فيكوا يكتبلي في تعليقه نفسه يحقق ايه الفتره اللي جايه ارجوكم شوفوا نفسكوا محققين دا و ان شاء الله هيحصل ، ارجوكم ارجوكم اكتبوا اللي نفسكوا فيه و عندكوا يقين كبير بالله انه هيحصل مش هتخسروا حاجه لو صدقتوني و عملته كدا مش جايز اطلع صح بس طبعاً نسعى و نجتهد بلا يأس والبوست هيفضل موجود لو حد حاله اتغير للاحسن وبدأ يحقق اللي كتبه يبقى يفتكرني بالدعاء".
كليب حياتنا
وتخطى كليب “حياتنا” للفنان تامر حسنى حاجز الـ2.5 مليون مشاهدة، منذ طرحه قبل أربعة أيام عبر موقع الفيديوهات الشهير “يوتيوب”.
وأحيا تامر حسنى عددا من الحفلات الغنائية كان آخرها حفلة الأسبوع الماضي بالاسكندرية.
ويعرض للنجم تامر حسني بدور العرض حاليًا، فيلم «بحبك»، وهو أول تجاربه الإخراجية فى السينما، وهو من تأليفه وبطولته، ويشارك معه البطولة كل من :هنا الزاهد، وحمدي الميرغني، ومدحت تيخة، وهدى المفتي.
ويشارك معه البطولة كل من : هنا الزاهد، وحمدي الميرغني، ومدحت تيخة، وهدى المفتي.
