رئيس مجلسى الإدارة والتحرير
د. محمد الباز
رئيس التحرير
وائل لطفى
رئيس مجلسى الإدارة والتحرير
د. محمد الباز
رئيس التحرير
وائل لطفى

«أنا أخوكم الصغير».. تفاصيل توسط محمد نور للصلح بين «بيكا» و«المهن الموسيقية»

حمو بيكا
حمو بيكا

دعم الفنان محمد نور، عضو فريق واما، مطرب المهرجانات حمو بيكا، بعد تداول مقطع فيديو له على مواقع التواصل الاجتماعي، أعلن فيه بيكا عن احتياجه للعمل مجددا، بعد قرار نقابة المهن الموسيقية بوقفه.

وقال “نور” في مقطع فيديو عبر حسابه الرسمى على موقع «إنستجرام»: «لكل أعضاء نقابة المهن الموسيقية أخوتنا الكبار، اللي طول عمرهم معانا في كل كبيرة وصغيرة، بعتذرلكم بالنيابة عن حمو بيكا، هو أكيد مكنش يقصد، الإنسان وقت الغضب مش بيعرف يقول إيه».

وأضاف: «هو بس عاوز يشتغل، ودي كلمة أثرت فيا طبعًا، ولكن ده ميديلوش أي حق إنه يغلط في أي حد من أساتذتنا الكبار، هو هيعتذر وعشان خاطري أنا تقبلو اعتذاره، أنا هجيبو وأجيلكم ونخلص الموضوع».

وتابع: «أتمنى تقرأ الكلام ده وتعتذر، وهما مفيش أطيب منهم، والموضوع يخلص أنا بس تدخلت عشان عارف أنك طيب وفي حالك، وعندك جمهور بيحبك، وهما محترمين فوق الوصف، أهل وعيلة حقيقي مش نقابة، وعفا الله عما سلف».

واختتم منشوره: «شكرًا وأتمنى من الجميع محدش يغلط أو كده من الكومنتات، أنا فقط مقدرتش أسمع حد بيقول نفسي أشتغل وأنا محاولش أساعد، شكرًا للجميع طولت عليكو شكرًا لأستاذ أحمد رمضان والمايسترو الأستاذ حماده أبواليزيد، وأنا متأكد أنكم هتتعاونو معايا، وده مش جديد عليكو».

رد حمو بيكا على دعم محمد نور

وأعرب مطرب المهرجانات حمو بيكا، عن سعادته بدعم جمهوره له، وكذلك دعم زملائه من المطربين والفنانين داخل الوسط الفني.

وعلق “بيكا” على مقطع الفيديو المنشور عبر حساب “محمد نور”، قائلًا: "شكرًا لأخويا النجم محمد نور، اللي أنت شايفه أنا هعمله، أنا عاوز أكل في بلدي عشان أن بحب جمهوري في بلدي، واللي حضرتك شايفه أنا معاك فيه، وعفا الله عما سلف، وطبعًا أي حد على دماغي ودي مبادرة كويسة منك، شكرًا لدعمك ليا وأنا أخوهم الصغير".