قبل العرض الخاص.. أسما شريف منير: «الدعوة عامة» هيكسر الدنيا
أعربت أسما شريف منير، عن سعادتها بالمشاركة في العرض الخاص لـ"الدعوة عامة"، قائلًة: "مبسوطة جدًا لصاحبي وحبيبي الفنان محمد عبدالرحمن الشهير بـ"توتا" وهو يستاهل كل خير، وبتمني نجاح الفيلم ومتوقعة إنه يكسر الدنيا".
وعن أعمالها المقبلة، قالت أسما في تصريحات خاصة لـ"الدستور": "في الوقت الحالي أنا بعمل كتاب، وشغالة عليه، وفيه حاجة شغالة عليها أيضًا ليها علاقة بالبرامج وكمان باخد ورش تمثيل حاليًا عشان داخلة عمل فني قريب، وبالنسبة للناس اللي بتقول إني أبناء عاملين في الفن وإيه يعني اللي يقول يقول".
"زيكو" في عرض "الدعوة عامة"
كما يشارك الفنان الشاب يوسف صلاح الشهير بـ"زيكو" ضمن حضور العرض الخاص لـ فيلم "الدعوة عامة"، بدعوة من الفنان محمد عبدالرحمن الشهير بـ"توتا".
وقال يوسف صلاح في تصريحات خاصة لـ"الدستور": "توتا دعاني للفيلم وقالي هستناك يا حبيبي وأنا بحبه جدًا وأحب أباركله على الفيلم، وبإذن الله يكسر الدنيا".
وأضاف: "أنا بشارك مع أختي جنا في فيلم اللعب مع العيال، وهي البطولة الأولى ليا في السينما، وبلعب دور ابن سامح حسين، والفيلم يناقش قضية كبيرة جدًا جدًا وفي مصر، وهو الابن الوحيد في الفيلم للفنان سامح حسين".
