بعد أزمته مع شيرين.. والد حسام حبيب: يارب نجى ابنى

شارك حسين حبيب، والد الفنان حسام حبيب، جمهوره عبر صفحته الشخصية على موقع التواصل الاجتماعي ومواقع السوشيال ميديا "فيسبوك" منشورًا يدعو فيه لنجله.

وكتب والد الفنان حسام حبيب قائلًا: "والله مش عشان ابني، ده أخلاقه زي الملايكة، أنا شخصيا بتعلم منه"، متابعًا: "اللهم انصره كما نصرت داوود ونجه كما نجيت موسى واحميه كما حميت إبراهيم من النار".

وأضاف: "قال النبي أحسنكم أحسنكم خلقا، الله ناصرك على كل مفترى كداب وعلى ناكر الجميل هل جزاء الإحسان إلا الإحسان".

شيرين عبدالوهاب

وكانت شيرين قد أثارت الجدل، خلال الأيام القليلة الماضية، بعد أن فتحت النار على طليقها المطرب حسام حبيب، خلال مداخلة هاتفية أجرتها لبرنامج "كلمة أخيرة" مع الإعلامية لميس الحديدى عبر شاشة قناة ON.

وقالت شيرين عبدالوهاب، خلال هذه المداخلة: "بالفعل تم الطلاق وبعد ما هديت من الكارثة اللى حصلت حسيت إنى مش قادرة أستغنى عنه، وحسيت إنى عايزة أديله فرصة تانية وكل اتنين مع بعض لما بيسيبوا بعض مش لازم يكون فيه فجر في الخصومة، علاقة الزواج مقدسة لازم نحافظ عليها".

وأكدت "عبدالوهاب" أنها طلبت بعض الشروط من أجل العودة من جديد لحسام، وهى وجود منزل منفصل، منعًا لتعرض بناتها لأى مشاكل نفسية.

وقدمت شيرين اعتذارها إلى الجمهور على الهواء، قائلة: "عاوزة أستغفر ربنا على الكذب اللي كذبته عشان أخلي صورة إنسان تبقى كويسة، وأنا كذبت ودي أكتر حاجة ربنا مبيحبهاش".

وتابعت شيرين: "أنا ست قاعدة في أمان الله مع بناتي بقالنا 4 سنوات شايفين الويل سافرنا الساحل وقلنا نقعد أربعة أو خمسة أيام ونرجع مبسوطين وتتحسن نفسية البنات ونفسيتي ومكناش بنخرج ومكناش عايشين تقريبًا والبنات مكنوش يعرفوا يقعدوا معايا، لأني كنت عايشة مع زوج مش بيشتغل تقريبًا وكنت محبوسة 24 ساعة في أوضة نومي مش بعمل حاجة، قاعدة بس وأنا غلطت في حق نفسي، وكنت فاكرة أني بحافظ على بيتي لكني اكتشفت أنه مكانش بيت، كانت عيشة فئران أو مصيدة أنا كنت زي الفار اللي بيدخل المصيدة ياكل حتة جبنة".

وتابعت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، ومع ذلك فضلت جمبه وهو لا يعرف إلا فكرة حب الامتلاك، وصبرت لأني كنت بحاول أنجح الحب ده ومكنتش بحب أتهزم، وأنا بطبعي أكون خدامة الرجل اللي أعيش معاه".