التحريات تكشف تفاصيل جديدة في واقعة مقتل سيدة بعين شمس

كشفت تحريات رجال مباحث عين شمس  تفاصيل جديدة في  واقعة مقتل ربة منزل على يد نجل شقيق طليقها، مؤكدة أنه قام بقتلها بعد فشله في محاولة اغتصابها داخل شقتها بمنطقة عين شمس، حيث كان المتهم تربطه علاقة صداقة مع  المجني عليها، واعتاد التردد على مسكنها وكانت تحسن معاملته وتقابله بكل ود.

وأشارت التحريات إلى أن المتهم فسر المعاملة الحسنة من قبل المجني عليها وتدعى ريهام عبد الغفور، بأنها تريد الدخول في علاقة عاطفية وجنسية معه، مضيفة أن المتهم قبل ارتكابه جريمة القتل أقدم على الاتصال بالمجني عليها وعلم بأنها متواجدة بمفردها واستغل ذلك وطلب منها المجيء إليها في شقتها. 

وقال المتهم خلال مناقشته أمام رجال المباحث: "اللي حصل أن المجني عليها ريهام عبد المنعم هي طليقة عمى حسن منصور، وبعد الطلاق  كنت بسأل عليها وهي كانت بتسأل عليا بردو كان بينا علاقة كله حب واحترام، ولما عمي بيكون عاوز يشوف بنته عائشة اللي كانت عايشه مع جدتها، والدة ريهام، كنت بروح أجيبها أودهاله وعلاقتي بالمجني عليها وعائلتها كويسة، واتجوزت وكانت بتحكيلي بأن جوزها جاب عربية ولو في أي مشكلة تحكي ليا واحنا على الحال ده بقالنا سنين لحد يوم الواقعة، كان بقالي کثیر مسألتش عليها وكلمتها بعد العصر قولت إني عاوز أعدي عليها وأقعد معاها شوية وهي قالت لما توصل تحت اتصل عليا ولما وصلت الساعة 7.30 تقريبًا كلمتها قالت هات حاجة ساقعة وأطلع وأنا فعلًا اشتريت حاجة ساقعة وطلعت البيت عندها وفتحت باب الشقة. 

وقالت: "بقا كده تاكل حمام انت وعائشة وعمك حسن وانا رديت عليها"، فقلت لها: "انتي عرفتي منين إن إحنا كلنا حمام قالت لي إن عائشة قالتلي"، رديت عليها: "المرة الجاية تبقى معانا إن شاء الله وطلبت منها كباية شاي عملتهالي واتصلت بوالدتها قالت لها إنها هتتصل بها علشان أروح أجيب عائشة من عندها رغم إني كنت موجود في الشقة عندها في الوقت ده وبعدين طلبت مني أروح أجيب عائشة من عند ستها وأنا قولت لها إن انتي بتستغلى إن أنا معايا العربية وعوزاني أروح أجيبها فقالت لي لو بتحبني وبتعزنی روح هاتها وحطت إيديها على فخدي اليمين من فوق فانا سخنت واضايقت وزقتها زقة واحدة ووشها لبس في الحيطة عند البلكونة ولقتها بتنزف من أنفها وفقدت الوعي، وقتها مكنتش عارف اتصرف إزاي قمت بالضغط بصباعي على رقبتها علشان أشوف هي عايشة ولا ماتت، بعدها جبت الإسدال بتاعها من على الترابيزة ومسحت الدم، ونزلت من الشقة ورحت على بيتي في صباح اليوم الثاني لقيت الحكومة جاية تاخدني وجابوني على قسم عين شمس.

وأشار مصدر أمني إلى أن تقرير الطب الشرعي نفى ما قاله المتهم وأنه يحاول إبعاد الشبهة الجنائية عنه وأنه قتلها عن طريق الخطأ وأن التقرير أوضح إصابة المجني عليها بالوجه ومحاولة خنقها.