بعد مواجهة كوريا.. أمير طعيمة عن اتحاد الكرة: «الناس دي خايفة على الكراسي»
علق الشاعر الغنائي أمير طعيمة على خسارة المنتخب الوطني في مواجهة المنتخب الكوري الجنوبي، مُطالبًا بإقالة مدرب المنتخب الوطني إيهاب جلال ورئيس الاتحاد جمال علام.
وقال في منشور له عبر صفحته على “فيس بوك”: "اتحاد الكرة من كام يوم فسخ تعاقد كيروش عشان الاتحاد مفهوش دولار، اتحاد الكرة دلوقتي يبحث عن مدير فني أجنبي، لو كان إيهاب جلال فاز على كوريا و السوشيال ميديا أشادت بيه كان هيكمل، الناس دي مش بتخطط الناس دي عايزة ترضي الجمهور عشان تفضل على كراسيها" .
وتابع قائلاً :"انا مع رحيل إيهاب جلال مش عشان النتايج لأنه فعلا مظلوم في الجزئية دي و لو الساحر مدحت مش هيلحق يعمل حاجة في كام يوم و في الظروف العبثية دي، انا مع رحيله لأن تعيينه من البداية كان خطأ لعدم خبرته الكافية لتولي منتخب مصر" .
واختتم :"الاهم من ده رحيل جمال علام نفسه لكم الأخطاء المهول في مدة قليلة و ان كنت اتمنى استمرار حازم و بركات لأن مهم وجود لاعبين من النوع ده و احمد حسن و غيرهم، و تخيل لو رئيس الاتحاد طاهر ابو زيد او حسن شحاته او اي لاعب من اللاعبين الكبار ملحوظة: جمال علام كان رئيس اتحاد الكرة أيام ال ٦-١ بتاعة غانا" .
