أمانى التونسي:«حكاية على الهامش هدفها إن كل ست يبقى ليها استقلالها المادي»
علقت أمانى التونسي كاتبة حكاية «على الهامش» على الجدل المثار على موقع التواصل الاجتماعي "فيسبوك" حول قصة «على الهامش» فى مسلسل إلا أنا للفنانة نرمين الفقى، وقالت أنا لما كتبت المسلسل كان هدفي منه إن كل سيدة يبقى عندها استقلالها المادي وإنها لا تعتمد على زوج أو ابن.
واستكملت كاتبة حكاية «على الهامش» في منشور لها على صفحتها الرسمية على موقع التواصل الاجتماعي «فيسبوك»، على موقع التواصل الاجتماعي، «المهم تكون عندها شغلها وشقتها اللي لو قدرت تجيبها بفلوسها لان الموضوع بتاع خيانة الزوج ليها، أو إن صاحبتها خانتها مجرد رمز ممكن الزوج يموت مثلا ممكن يفلس ليه طول الوقت تبقى معتمدة على حد غير نفسها».
- الهدف هو تحقيق الأمان
وتابعت :« الهدف الأمان هو نفسك والعوض هو نفسك وشغلك ونجاحك وكونك اختارتي صح أو غلط جوازتك ده موضوع تاني .. ولازم نربي الجيل اللي جاي ان الام مش دادا وده انا اتمنى انه فكر يتغير في المجتمع ».
وعن حكايات مسلسل إلا أنا قالت أمانى التونسي:« اللى فكر فى الحكايات راجل عظيم والموضوع مش راجل وست وحرب، بالعكس الموضوع عمل فني أثر في الناس ومن غير قوانيين تتغير او لا الناس فكرهم اتغير وكل واحدة المفروض تفكر تأمن حياتها ازاي وتبدأ منين».
و تصدر اسم مسلسل إلا أنا على الهامش ترند محرك البحث جوجل، ويستعرض المسلسل دراما مستوحاة من قصص حياتية تصف معاناة المرأة في المجتمع المصري، حدوتة على الهامش هي الحكاية الرابعة من الموسم الثانى لمسلسل إلا أنا، تأليف أمانى التونسى، وإخراج أحمد شفيق، وبطولة نرمين الفقى، صبرى فواز، جيهان خليل، محمود ياسين جونيور، وهايدى رفعت، وعدد آخر من الفنانين الشباب.
و تدور أحداث مسلسل إلا أنا على الهامش في إطار اجتماعي حول حضانة الأم لأطفالها بعد انفصالها عن الأب، وما ينتج عن ذلك من مشكلات بعد أن تنتهي فترة الحضانة.
