رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

أحمد خليل يطرح أغنية «علامات» بتوقيع عمرو مصطفى وتامر حسين (فيديو)

المطرب أحمد خليل
المطرب أحمد خليل

طرح المطرب أحمد خليل، منذ قليل، أغنية جديدة تحمل عنوان "علامات" وذلك على طريقة الفيديو كليب عبر قناته الرسمية عبر موقع الڤيديوهات "يوتيوب". 

أغنية "علامات" ضمن أغنيات ألبوم أحمد خليل الجديد "بقالي سنة" و تعاون فيها مع كل من الشاعر الغنائي تامر حسين، والملحن عمرو مصطفى، والموزع الموسيقي نادر حمدي، و‎ماستر أحمد وجيه، وعازف الجيتار روكيت، وتولى إخراج الفيديو كليب المخرج عماد قاسم.

 

 

كلمات أغنية علامات

دلوقتى فهمني

 وبلاش تقول ف كلام متعاد 

مليت خلاص وعلى استعداد

انى انسى ايامك

ولا قلبي هيلومني

ولا عيني هتدمع بعديك 

الدنيا دي مش واقفه عليك

ما كفايا أوهامك

علامات 

بتبان على اللى هيتفارقوا 

أيام جميله بيتسرقوا 

ازاى ولا حاسين

وحاجات 

ماكنتش تٌخطر على بالنا 

ازاى وامتي اتغيرنا 

 وبقينا ناس تانين

يا خساره ع الأيام

يا خساره عالحب اللى  إتعاش

هيضيع لو احنا ما قدرناش 

وهقولك ايه تاني

انا ماشي يللا سلام

فكر ورد عليا يا ريت

جايز تكون تُهت وضليت

أو ناوي تنساني 

علامات 

بتبان على اللى هيتفارقوا 

أيام جميله بيتسرقوا 

ازاى ولا حاسين

وحاجات 

ماكنتش تٌخطر على بالنا 

ازاى وامتي اتغيرنا 

 و بقينا ناس تانين

على طول 

واقفين لبعضنا ع الواحده 

وراحتنا دايماً فى الوحدة 

وهنعمل ايه بعدين

ماتقول 

على حل مقدرش اتحمل 

ويا اما نبعد يانكمل 

هو احنا ليه ساكتين

 

آخر أعمال أحمد خليل الغنائية

جدير بالذكر أن آخر أعمال أحمد خليل الغنائية أغنية "اكشفي ورقك" و هي من كلمات الشاعر أيمن بهجت قمر، و ألحان بلال سرور ، و توزيع و ميكس و ماستر توما، و الأغنية حققت نجاح كبير فور طرحها عبر موقع الڤيديوهات الشهير “يوتيوب” ونسب مشاهدة عالية.