بـ3 ملايين مشاهدة.. محمد حماقى يحافظ على تصدر تريند يوتيوب بـ«تك»
حافظ المطرب محمد حماقي على تصدره تريند يوتيوب منذ 6 أيام من طرح أحدث أعماله الغنائية بعنوان “تك” محتلًا المركز الرابع، وحقق مشاهدات اقتربت من 3 ملايين مشاهدة.
أغنية “تك” كلمات: أمير طعيمة، ألحان: عمرو مصطفى توزيع وميكساچ: توما ديچيتال ماستر: طارق مدكور طبلة: أحمد عيادي ناي: أحمد خيري جيتار: مصطفى نصر.
وتقول كلمات الأغنية:
حبيبي داس على قلبي تك وأنا يا ناس كده ع المحك
ومابقاش في عندي شك خلاص ملكني هواه
ده أنا مشيت علشانه عكس على زمان علمت اكس
ولو اعيش وياه في حبس هقول دي أحلى حياة
بدوب ادوب ادوب من عينيه وانسى روحي بين إيديه
قلبي داب م اللي اسمه إيه وخلاص مسلّم ليه
حبيبي داس على قلبي تك وأنا يا ناس كده ع المحك
ومابقاش في عندي شك خلاص ملكني هواه
أنا زمان كان عندي كبر مابمشيش للحب شبر ليه
مابقاش كده عندي صبر وليل نهار بناديه
ياما سنين عِشت في قلق قابلته الموضوع فرق كده خلاص لموا الورق
ده مافيش كلام بعديه بدوب ادوب ادوب من عينيه وانسى روحي بين إيديه
قلبي داب م اللي اسمه إيه وخلاص مسلّم ليه
حبيبي داس على قلبي تك وأنا يا ناس كده ع المحك
ومابقاش في عندي شك خلاص ملكني هواه
ويتعاون محمد حماقي في ألبوم "يا فاتني" مع الشعراء أيمن بهجت قمر، أمير طعيمة، تامر حسين، محمد عاطف، عزيز الشافعى، والملحنين عمرو مصطفى، وتامر علي، ومحمد النادى، والموزعين تميم وتوما، وأحمد إبراهيم، وأمين نبيل.
وطرح محمد حماقي، خلال الأيام الماضية، أغنيتين ضمن أغنيات ألبومه الغنائي الجديد وجاءت الأغنية الأولى بعنوان “زيها مين” وتعاون فيها مع كل من الشاعر الغنائي والملحن عزيز الشافعي، والموزع الموسيقي تميم، وجيتار مصطفى أصلان، وطبلة أحمد العيادي.
كان أعلن المطرب محمد حماقي، الأيام الماضية، عن إحياء حفل غنائي يوم 27 أغسطس، بأحد الفنادق الكبرى بمدينة العلمين الجديدة بمنطقة الساحل الشمالي.
وانقسمت أسعار تذاكر الحفل إلى ثلاث فئات وتبدأ من 1000 جنيه مصري، والفئة الثانية بمبلغ 600 جنيه، والفئة الثالثة والأخيرة بمبلغ 400 جنيه.
