رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

تميم يونس يهاجم الآباء والأمهات: «لو بتشتكوا إن ابنكم مجنون شكلكم كأسرة وحش»

تميم يونس
تميم يونس

تصدر المطرب وصانع المحتوى تميم يونس، من جديد محركات البحث الجوجل بعدما أثار الجدل مؤخرًا، بظهوره في مقطع فيديو قصير لم يتعد الـ4 دقائق يهاجم من خلاله الأسر المصرية، بألفاظ تسيء لهم، بسبب طريقة تعاملهم مع أطفالهم، موضحًا أن حديثه خلال الفيديو لا علاقة له بالتربية، قائلا "دا مش فيديو تربوي".

وقال تميم يونس: "النهاردة هتكلم عن الأسر المصرية المقتدرة اللي بتخرج يوم الجمعة، والمقتدرة اللي تقدر تصرف وتطلب.. المنظر اللي بتظهر بيه الست ومعاها طفلين بتكون محتاسة، وده مش فيديو تربوي بس عارف إن التربية صعبة، وأنا متفهم ضرب الأطفال، بس مش معاه، لكن متفهمه لأن في أطفال ممكن تخرج الواحد عن شعوره".

 

وأضاف خلال مقطع فيديو عبر حسابه الشخصي بموقع تبادل الصور والفيديوهات "إنستجرام": "لو مش عارفين تتعاملوا بشكل اجتماعي متخرجوش، لأن في طفل ممكن يحدف على الناس حاجات، وكل اللي بتعمله الأم إنها بتقوله: بس بقى، والطفل بيكون فاهم طريقة كلام الأم والشتائم، وبدون جدوى.. مبدئيًا ده إنتاجك وبيتدخل الزوج بكلام قليل، ولو الطفل سبب وجوده الأم والأب فده امتداد ليهم".

 

وتابع المطرب يونس حديثه عن الأسر المصرية بألفاظ خارجة قائلًا: "لو ابنك اللي جبتيه بمزاجك أنتي وجوزك وبتشتكوا أنه مجنون لأنكم مش عارفين تتصرفوا مع الطفل، شكلكم كأسرة بيكون مش حلو وكأن حد حطيلكم حاجة في الميه، وكأن حد حطلكم دوا الصراصير". 

 

يُجدر الإشارة إلى أن المطرب تميم يونس تصدر التريند منذ فترة قريبة وذلك بعد تصدره في واقعة مؤسفة حكاها الفنان تميم يونس، تحت شعار "هتكلم واخلص من القصة القديمة دي"، حيث روى تفاصيل واقعة تعرضه للتحرش الجنسي على يد طبيب أسنان، وهو الأمر الذي أثار غضبه.

https://www.instagram.com/tv/CR-R-6fKNU6/?utm_source=ig_web_copy_link