من الاتهام للرفض.. القصة الكاملة لأزمة «حلا شيحة وتامر حسنى»
هاجمت الفنانة حلا شيحة، الفنان تامر حسني، بعد تجاهله لها وطرحه فيديو كليب "بحبك" من فيلم "مش أنا"، والذي يتضمن مشاهد رومانسية تجمعه بها، رغم أنها أعلنت براءتها من العمل.
وأثارت "حلا" حالة واسعة من الجدل، بعد نشرها صورة عبر "إنستجرام" معلقة عليها: "أنا اتفاجئت جدا بنزول كليب يجمع فيه مشاهد متفرقة من الفيلم، خصوصا بعد آخر بوست نزلته ووضحت فيه أنا إيه، واتفاجئت أكتر خصوصا بعد وعد تامر حسني ليا وتأكيده إنه حیحترم رغبتي وبعض الطلبات اللي طلبتها منه بكل احترام وود الصيف اللي فات، وأکدلي إنه حيحترم رغبتي".
وأضافت: "إحنا يمكن نجحنا بمقاييس الدنيا بس صدقوني بمقايیس ربنا احنا لم ولن ننجح.. أنا مش حتكسف من حد، أنا تبت من المشاهد دي وهي لا تصح وأنا غلطت وبصلح، وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح، لا هو مش نجاح أصلا علشان النجاح الحقيقي حاجة تانية خالص، إحنا إغلبنا ناسينها إلا القليلين منا، الفن لو بيخلينا نبعد عن منهج ربنا ومنبقاش قدوة لولادنا يبقى باطل وميبقاش فن".
ليخرج الفنان تامر حسني من صمته ويرد على حلا شيحة، عبر صفحته الشخصية على موقع التواصل الاجتماعي "فيسبوك"، قائلًا: "للتوضيح، بما إنك يا حلا كتبتي بوست وأشركتي الجمهور الكريم معانا بدال ما كنتي تكلميني شخصياً ونتناقش بيني وبينك، فأنا مضطر أرد هنا برضو، أولاً أنا عمري ما وعدتك إن الكليب مش هينزل دا محصلش أصلاً يا حلا، مش أنا خالص اللي أوعد وأخلف، الحقيقه إني احترمت كلامي معاكي ووعدتك أشيل مشاهد تانية طلبتيها وشيلتها بالفعل وشكرتيني عليها، ولو حابة تفتكري المشاهد اللي اتشالت بعد إذنك روحي شوفيها في المونتاج عند الأستاذ عمرو عاكف أو كلميه يبعتهالك كلها موجودة".
وتابع: وبعدين الفيلم بقاله 3 أسابيع في السينمات والكليب موجود جوه الفيلم، وهو بالنسبالك الحرام إننا ننزل الكليب على اليوتيوب بس!، إنما الكليب يتشاف جوه السينمات عادي؟، منطق غريب فعلاً يا حلا، وبعدين هو مش إنتي اللي مضيتي عقد وتقاضيتي عليه مبلغ كبير عشان الدور دا بعينه؟، هو مش إنتي اللي صورتيه ومثلتيه بنفسك وبمنتهى الرضا ولا حد أجبرك؟، للتوضيح للجمهور الكريم أنا والمخرجة الأستاذه سارة وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا وتليفوناتك كلها كانت بتقفل في وشنا".
