رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

كيف تفاعل رواد مواقع التواصل مع كلام رامي جمال عن «البهاق»؟

رامي جمال
رامي جمال

تفاعل الكثير من رواد مواقع التواصل وجمهور المطرب رامي جمال، مع الفيديو الذي ظهر فيه الأخير وهو يتحدث عن إصابته بـ“البهاق” وانتشار المرض في معظم الأجزاء من جسمه.

قالت رنا نبيل عبر صفحتها على موقع “فيس بوك” :"الصوت الجميل رامي جمال والتصالح النفسي والطاقة الإيجابية اللي في الڤيديو.. أكثر كلمة مؤثرة قال:أنا ما اتعالجتش من البهاق أنا اتعالجت نفسيًا.. قمة النضج الحقيقي هو إنك تمر بنقطة ضعفك ولا تضعف".

فيما أشارت هدي محمد في تعليق له:"انت قلبك أبيض.. ومن نعمة ربنا عليك إنه زادك نعمة وميزك بيها عن أي حد ربنا يقويك ويعينك ع العيون اللي مش بتشوف غير النقص".

وأضافت جاسمين محمد:"ربنا يشفيك ويشفي كل مريض بجد تسلم على اللي قولتو المرض عمره ما كان عيب للإنسان، بل بالعكس ده ابتلاء من ربنا عشان يعرف عبده هيتحمل ولا لأ".

بينما قال أحمد سعيد:"هو ربنا يشفيه يارب بجد بس أنا شايف إن البهاق حاجة بتميز الإنسان، ومش شايفها حاجة وحشهة خالص بالعكس بتخليك special".

قام رامي جمال بنشر فيديو له وهو يتحدث عن إصابته بمرض البهاق، وقال:"عشان الناس اللي بتسألني وبتقولي البهاق فين و خفيت ازاي انا عايز اقول اني مخفتش وأهو البهاق في ايدي اهو و جنب شفايفي و جنب عيني وفي كل جسمي، أنا الاول لما كنت بشوف نقطه كنت براقبها و كنت بزعل اوي دلوقتي بحس انها ميزه لانها خلتني اشوف حب الناس و دعمهم ليا".

وأضاف:"الحاجه اللي بصور الفيديو عشانها اني عايز اقول لكل ام ابنها عنده بهاق هو معندهوش مشكله بس انتي لازم تربيه انه ولد عنده ميزه ربنا ميزه بيها و الميزه دي حاولي تقنعي كل اللي حواليه بيها ".

واستكمل :" انا مغني و الشكل جزء من شغلي بس بسببكوا بقيت شايف انها ميزه انا لما كنت بصور بوستر البومي اللي هينزل المصور بتاعي بيقولي ايدك فيها حته باينه قولتله سيبها لانه ده مش عيب و اللي شايف ده عيب ميهمناش احنا يهمنا التلاته اربعه اللي حوالينا و بيحبونا".

 

 

BA8AE685-9C05-432C-A0F9-8EBF08562767
BA8AE685-9C05-432C-A0F9-8EBF08562767
C5710A3A-2F7E-4736-80AD-EEC33CC2F0BC
C5710A3A-2F7E-4736-80AD-EEC33CC2F0BC
F9383B1C-A4C0-40C9-96D8-5CEFAF9B50E2
F9383B1C-A4C0-40C9-96D8-5CEFAF9B50E2
A4BDEB35-CB45-46C9-A3B7-94F1BB2DD6CA
A4BDEB35-CB45-46C9-A3B7-94F1BB2DD6CA
17667DD2-3729-47D8-B806-24472A5099D9
17667DD2-3729-47D8-B806-24472A5099D9