رئيس مجلس الإدارة
د. محمد الباز
رئيس التحرير
وائل لطفى
رئيس مجلس الإدارة
د. محمد الباز
رئيس التحرير
وائل لطفى

هاجر محمد.. موهبة غنائية نبتت من أحضان «التضامن»

هاجر محمد
هاجر محمد

تكتب وزارة التضامن الاجتماعي، قصصًا لأبطالها على مدار أيام شهر رمضان، تلقي فيها الضوء على نماذج مشرفة من الشباب والفتيات تحت عنوان سفير التضامن.

«الموهبة بتخلق الحلم وكي يتحقق لازم يكون عندك تحدي وعزيم»، قالت هاجر محمد عبد الله من الإسماعيلية.
 

وتقول هاجر: "أنا عندي 14 سنة عيشت في دار أيتام لكن ماحستش أبدا إنى يتيمة لأن مؤسسي الدار بيتعاملوا معايا كأني بنتهم بالظبط، بقولهم بابا وماما، مقدرش أقول الكلمتين دول لحد غيرهم لأنهم بيخافوا عليا من قلبهم وبيهتموا بيا، كمان كل المشرفين بيتعاملوا معايا كويس وبيحبوني".

وتابعت: "لحد من سنة فاتت ماكنتش فاهمة يعني إيه يوم يتيم، ولا حتى كنت بحس إني يتيمة، وده بسبب إني دايما شايفة أنا وأخواتي إننا قاعدين في بيتنا وكل الناس هناك بياخدوا بالهم مننا وبيهتموا بينا".

وتؤكد هاجر أنها اكتشفت موهبتها في الغناء وكان لديها 7 سنوات، وهو الأمر الذي لاحظه كل المشرفين، مضيفة أن أول حاجة بدأت تسمعها كانت المواويل ثم أم كلثوم وعبد الحليم الحافظ.

وأوضحت أنها بعد ذلك حققت جزءا من حلمها وغنت في حفلات ودخلت مسابقات.

وتابعت هاجر: “اليوم الأهم في حياتي يوم ماغنيت قدام ماما نيفين القباج وزيرة التضامن الاجتماعي في الاحتفال بيوم اليتيم اللي فات، اليوم ده كان خطوة مهمة في حياتي، وقفت دكتورة نيفين تسقفلي علشان عجبها صوتي، كانت مبسوطة بيا، وكل اللي في الحفلة شجعوني وسقفولي، والتشجيع اليوم ده أداني دافع أقوى فى تنمية موهبتي، حلمي إنى أنمي موهبتي في الغنا، وكمان أدخل كلية طب علشان أساعد الغلابة".
 

وأعلنت وزارة التضامن الاجتماعي، أن لديها 428 ألف يتيم و520 مؤسسة رعاية أيتام وكريمي النسب.