رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

يجعل كلامنا (اليوم الخامس)

• الطاووس.. كمال الاسطورة أخد قرار بمنع سفر الشباب اللي خدروا البنت واغتصبوها، وراح لأبوه المكتب فقاله ان عنده لقاء في التلفزيون بعد ساعة ولازم يشوفه.
• الطاووس.. ابن  ضياء شاهين المحامي (كمال سليم)  طلب واحد من أصحابه اللي شاركوه الاغتصاب وقاله يجيب بقية العيال ويقابلوه عند مكتب والده 
• الطاووس.. المحامي ظهر ع التليفزيون في الوقت اللي كمال الأسطورة كان في طريقه لبيته في اسكندرية.. المحامي نفي تورط ابنه، وفيه واحده عملت مداخلة قالت إنها البنت المغتصبة وإن القصة مش كده.. في الوقت ده العيال المغتصبين وقفوا كمال الاسطورة ع الطريق وضربوه.. وفي نفس الوقت اللي كمال سليم لسه في التليفزيون كان كمال الاسطورة، اللي لسه واكل علقه، ومروح بيته في اسكندرية بيخبط ع الباب وسهر الصايغ فتحت له لقته متعور، وده تقريبا سبب تسميته بالأسطورة، مش لأنه محامي مشهور بيدافع ع الغلابة، ولا إنه بيتبنى مشاكل المهمشين ويدافع عنهم، لا ، ده لأنه أكل علقة موت وخد طريق مصر اسكندرية قبل ما البرنامج ما يخلص وهو ميت.
• الطاووس .. لو استمر أداء المسلسل في نفس السياق، أخشى ان كمال " الأسطورة" يغير اسمه بعد كام حلقة ويسمي نفسه " نمبر وان "
• فيه أكتر من نموذج  للإعلاميين السنة دي في المسلسلات، أول نموذج هي رانيا محمود ياسين  في مسلسل "الطاووس" طالعة مذيعة توك شو، فاتحة البرنامج ع البحري لوالد المغتصب المحامي الشهير، علشان يبرأ نفسه من القضية وده كان واضح انه باتفاق، النموذج الثاني كان في مسلسل " ولاد ناس"  وإيهاب فهمي طالع مذيع مرتشي بيستغل برنامجه لتخليص صفقات ومصالح  وطلب من واحد فيلتين واحده باسم ابنه والتانية باسم حد مقابل انه يتكلم عن صاحب المشروع ويبيض سمعته ويخلي الناس تشتري الوحدات.. تالت نموذج هي أخت ياسمين عبد العزيز في مسلسل "اللي مالوش كبير" اللي بتستغل جوز أختها الملياردير علشان تشتغل في المحطة وبتحاول تهدد المخرج -رغم انه كانت رايحه له  الميتنج بمايكروجيب – وانتهى الموضوع بانه طردها 
• ضل راجل .. واضح ان التطويل اللي بيحصل في المسلسل هيرجع ياسر جلال من "الحتة التانية" يقعده جنب اخواته 
• ضل راجل.. ياسر جلال مشي ورا صاحبة بنته وشافها بتقابل شاب راكب عربية مرسيدس وافتكر انه قابل الشاب ده قبل الحادثة.. ومسك أول الخيط 
• ضل راجل .. ياسر جلال دخل الشقة ومسك الولد وصاحبة بنته، وضربه بس صاحبة بنته ضربته على راسه بمضرب البيسبول، واغمي عليه فاق لقي نفسه في التاكس بتاعه
• القاهرة كابول .. منال اتقدم لها واحد زميلها يخطبها وقابل  نبيل الحلفاوي وحصل قبول .. مش هتستني رمزي أكتر من كده .
• اللي مالوش كبير.. عابد تيمور اتفق مع سيف الخديوي انه يقتل غزل في فيلا السخنة في الحلقة الجديدة وده كان بعد اتفاق غزل على قتل جوزها مع سيف الخديوي في الحلقة اللي قبلها .
• "نسل الأغراب"..  فردوس عبد الحميد حاولت تتوسط لحل المشكلة بين عساف "أحمد السقا "، و غفران "أمير كرارة" .. طبعا السقا رفض وقال انه عايز زوجته جليلة "مى عمر" وابنه حمزة، وده حل ما فوق قدرات مدام فردوس وما يقدرش عليه حتى محمد سامي 
• هجمة مرتدة.. أحمد عز تلقي تكليف بالعودة لمصر من المطار، لكن قبل عودته عليه أن يهرب أحد أعضاء القاعدة لمصرعن طريق سوريا  
• هجمة مرتدة .. ندي موسى تحس انها حافظة الدور وبتسمعه، أداء بلا روح 
• هجمة مرتدة.. المسلسل أظهر الجانب الاخر من حياة ضابط المخابرات .. هشام سليم أب لديه ابنه تعاني من مرض صعب وتتلقي جرعات وتحتاج الي وجوده بجانبها .
• هجمة مرتدة .. تركيز نضال الشافعي في الدور قد يخلق منه " نديم قلب الأسد " جديد عند المشاهدين  ومشهد التحقيق الذي قام به مع الارهابي مميز، خاصة في لحظات تحوله من الترغيب الي الترهيب .
• الاختيار 2.. لمثل هذه الأعمال خلقت الدراما 
• الاختيار 2.. البلد دي قدمت تضحيات فوق تصورنا وهناك رجال انقذوها من الجحيم
• الاختيار 2.. أفضل ما في الحلقة أن الموضوع كان هو البطل، لم يتم التركيز على مكي أو كريم .. فقط الموضوع كان البطل وهي رؤية مهمة من المخرج بيتر ميمي الذي قدم حلقة في غاية الأهمية 
• الاختيار 2: عرض اللقطات المسجلة والأرشيفية للفض والتسجيلات التى بثتها  فضائياتهم ومواقعهم يهدم بكائيات الاخوان  
• الاختيار 2 .. وقائع ما جرى في كرداسة بشعه والمشاهد الحقيقية له موجعة ذكرتنا بما حدث وبالجرائم التى ارتكبت، خاصة ما ارتكبته الارهابية سامية شنن التى سقت  أحد شهداء مركز شرطة كرداسة ماء نار وضربت بالشبشب جثمان الشهيد العقيد عامر عبد المقصود، نائب مأمور مركز كرداسة،  عندما مر الجثمان من أمام منزلها، وذهبت للقسم مع مجموعات الارهابيين وكررت نفس الأمر مع جثمان الشهيد محمد جبر، مأمور القسم، لكن تلك الجرائم التى ارتكبت لم تكن كافية ليقتنع نشطاء السفارة الأمريكية بالأمر ، حتى أن احداهن أطلقت احداهن لقب ماما سامية 
• الاختيار2 " اقلعوا الميرى والبسوا هدوم تانية دول عايزينا احنا" الشهيد اللواء محمد جبر، مأمور قسم كرداسة
• "كل ما دوائر الدم تكتر كل ما يبقي في تار في كل بيت في مصر- لقيادي الأخوانى "محمد كمال"
• مش هتاخد السلاح ياد .. السلاح لأ   - العسكري الذي يحرس كنيسة  بالمنيا 
• الاختيار2 .. ربنا يرحم شهداء الوطن 
• الاختيار 2.. صياحهم طرب