هاشتاج ادعم مروان محسن يتصدر تويتر فى مصر

تداول رواد موقع التدوينات القصيرة "تويتر"، صورًا لمروان محسن يظهر فيها اللاعب منحني الرأس في أرضية الملعب بعد تصدي الشناوي لضربة الجزاء وفوز الأهلي بالمركز الثالث، في مشهد يوضح حزنه وتأثره لعدم استطاعته الفوز، حيث صاحب هذه الصور كلمات لدعم مروان محسن، والإشادة بالنادي الأهلي رغم خسارته.

وقال محمد كافي، "فخورين بك يا مروان محسن .. الحظ السعيد سيكون معك المرة المقبلة.. حققتم فوزا عظيما لا تيأس ولا تحزن هي إرادة الله"، فيما قال مصطفى القاضي: "غمض عينيك وقول يا رب وابدأ من جديد مفيش حاجة مستحيلة المهم إنك متيأسش.. بنحبك يا مروان"، فيما قالت آيات أحمد "أكتر صورة وجعت قلبي وضايقتني جدا صورته وهو ساقط في الأرض بيبكي.. يا مروان متيأسش هترجع لمستواك قريب.. انت بس قول يا رب ومستواك هيتحسن".

وكتب محمد علاء: "لو سمحتم يا ريت نخف نقد لمروان وندعمه ونقف فى ضهره الصورة فعلًا قاسية جدااااااااا معاك وفى ضهرك يا مروان"، فيما كتب أحمد شاكر: "رغم الفوز كله جري يحتفل إلا هو..مروان محتاج دعم نفسي🥺،صعب عليا اوي بجد والله وكل اللي هوا فيه ده بسبب الضغوط والهجوم اللي اتعرض ليهم الفتره اللي فاتت وهوا لاعب كويس وليه مكانته لكن ده سوء حظ مش أكتر وهيرجع بدعمنا أحسن من الأول كمان".