سمير صبري يوقع بين زوجين بسبب أمنية غريبة لداليدا: «نفسي في خناقة»

عندما جاءت الراحلة داليدا إلى مصر، ضرب سمير صبري موعدًا معها لحِوار في برنامج النادي الدولي، وكانت تقيم مع شقيقها برونو.

وأجرت داليدا حينها حوارها الوحيد لها مع التلفزيون المصري، وقالت المطربة العالمية:"أنا اشتغلت كومبارس في أفلام كتير، كنت على الحصان ورا ليلى مراد في أغنية "اتمخطري واتمايلي يا خيل"، جنب هند رستم كمان، أخدت 5 جنيه وكنت مبسوطة أوي، وبعدها غنيت كتير مع الباند بتاع بوب عزام، وبعض النايت كلب الشهيرة، وعملت مشهد واحد مع الفنانة العظيمة فاتن حمامة في فيلم"المنزل رقم 13"، واشتغلت مع سامية جمال في فيلم "سيجارة وكأس"، وغنيت في الفيلم اغنية إيطالية وهي الأغنية نفسها اللي بعتها مع واحد خواجة يعرف مستر باركلاي في باريس ولما سمع الأغنية قال"هاتولي البنت دي"، وسافرت فعلا ومسيو باركلي غير شعري وشكلي وعلمني اتكلم ازاي واقعد إزاي وامتى اسكت".

وطلبت داليدا من سمير صبري أن تذهب إلى شبرا مسقط رأسها، قالت:"وديني شبرا، عاوزة اشوفها، امشي في الشارع بتاعنا، اسمع خناقة، احنا كنا في أول دور في شبرا، وكل يوم لازم فيه شبطة وخناقة وشتايم كتير، نفسي اروح شبرا".

وبعد انتهاء حفل داليدا في ملعب التنس بنادي الجزيرة ذهب سمير معها إلى شبرا، وكان يوجهه شقيقها برونو أثناء قيادة سمير للسيارة، ووقفوا أمام بيت داليدا هناك، وصعدوا سلالم البيت، ووقفت داليدا امام شقتهم القديمة وبكت، وفتح باب الشقة وخرجت منه سيدة وعرفت سمير صبري، ونظرت داليدا للسيدة وقالت:"أم صبحي.. مش فاكراني، أنا بولاندا"، واحتضنتها ام صبحي وأخذت تذكرها بطفولتها وداليدا تبكي من التأثر.

وكان لداليدا حفل خيري في الإسكندرية فاصطحبها سمير صبري إلى هناك، وبعد نهايته أكلت سمكًا مشويًا، وبعدها أخذها سمير صبري إلى رأس التين عند"حسني" أشهر من يقدم المأكولات بعد منتصف الليل، وقالت لسمير صبري:" يا سلام لو فيه شبطة، خناقة، واسمع الشتايم الحلوة اللي كنت بسمعها كل يوم تحت بيتنا في شبرا" وذهب صبري إلى الحاج حسني، وكان يعمل معه رجلًا مزواجًا على ذمته 4 نساء اسمه شيحا، ويجمع زوجاته كلهن في وقت واحد، فطلب سمير من "شيحا" إحضار إحدى زوجاته، بالملاية اللف، لأن الخوجاية التي معه تريد أن تتصور بها، وأحضر شيحا ثلاث من زوجاته، وجلسن بجانب سمير وداليدا.

هنا اتجه سمر للسيدات وقال:"من منكن روحية؟"، فقلت أحداهن:" أنا روحية اشمعنى، خير يا استاذ"، وهنا قال سمير صبري:" أصل الحاج شيحا دايمًا بيقول أحلى أكل بأكله من إيد روحية، اشيك واحدة في نسواني روحية، معرفش انام إلا ومعايا روحية، ونظرت الزوجة الثانية إلى صبري وقالت:" مين اللي قالك الكلام ده، طاب اندهه كدا خليه يقول الكلام ده قدامي"، وحضر شيحا واشتعل الموقف، وحصل تراشق بكل قواميس الشتائم المعروفة بينه وزوجاته الثلاث، حتى أمرهنّ بالانصراف، أما داليدا فكانت في منتهى السعادة وقالت:" ميرسي يا سمير النهارده عشت أحلى أيام حياتي في شبرا وسمعت أحلى كلام كنت بسمعه تحت بيتنا"، وذلك حسبما ذكر سمير صبري في كتابه الصادر حديثًا عن الدار المصرية اللبنانية تحت عنوان" حكايات العمر كله".