نسمة شعبان.. فتاة تبحث عن فرصة للتعلم: «نفسى أقرأ وأكتب»
ناشدت نسمة شعبان، ٢٧ عامًا، المسئولين لاستكمال تعليمها، قائلة من خلال استغاثة عبر الدستور: "نفسي أتعلم أقرا وأكتب زي الناس وأشتغل شغل كويس".
وتستكمل،: "أعمل حاليا في محل لبيع الأدوات البلاستيكية بمحافظة الجيزة، مضيفة أن ظروفها الأسرية منعتها من التعليم:" أنا مَش عايزة فلوس بس عايزة مكان كويس يعلمني القراءة والكتابة ويعطينى شهادة أقدر أدور بها علي شغل كويس".
وتابعت فى تصريحاتها لـ"الدستور": لجأت من قبل لفصول محو الامية ولكن هذه الفصول لا تهتم، واحتاج مكان يكون الاهتمام فيه كبيرا حتي أتعلم القراءة والكتابة.
واختتمت: ظروفى الأسرية حرمتنى من التعليم، إحنا خمس بنات وولدين:" الحمد لله مَش محرومين من حاجة.. لكن مقدرتش أكمل تعليمي بسبب الظروف المادية، مَش محتاجة فلوس لأني باشتغل حاليا لكن كل اللى محتاجاه مكان كويس يتبني تعليمي".
