رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

مها تبحث عن عريس: «يكون محترم وجاد.. أنا مش زي بنات التيك توك»

مها
مها

مها السيد، فتاة أثارت الجدل على مواقع السوشيال ميديا بعدما خرجت للجميع من خلال فيديو على "فيسبوك" تطلب عريسا.

وكانت الفتاة صاحبة الـ32 عاما نشرت فيديو على صفحتها على "فيسبوك" تحدثت فيه عن قيام الدولة باتخاذ جميع الإجراءات لحماية مواطنيها من كورونا، وقالت: "الدولة بتعمل اللى هى عايزاه ومش عيب أعمل اللى أنا عايزاه وأنا بطلب عريس محترم وجاد".

وأثارت الفتاة ردود أفعال متباينة على صفحات التواصل الاجتماعي، فهناك من أراد أن يستخدم موضوعها بطريقة غير لائقة وهناك من تعاطف معها ووجد أن ما طرحته حق مشروع لها، خاصة أنها ذهبت للهدف بطريقة واضحة.

• والسبب؟
وقالت "السيد": "عارفة إن الفيديو ده هيسبب لي مشاكل كتير، بس أنا أد هذه المشاكل واتحمل نتيجتها السيئة قبل الحسنة، عارفة إنى مش بعمل حاجة غلط، احنا شايفين الظروف اللي البلد فيها، مفيش خروج ومفيش كافيهات ولا جيم، لأن الدولة شايفة إنه القرار الصح للحد من انتشار الفيروس، وتحافظ على صحتنا ونكون في أمان، فمن الطبيعي لكل إنسان يعمل اللي هو شايفه صح".

وتابعت: "زي ما الدولة اخدت الإجراءات اللي شيفاها صح، فكل إنسان يعمل اللي هو شايفه صح ويحافظ على سلامته ومصلحته الشخصية.

• من هي؟
أضافت في الفيديو: "اسمي مها أسامة، عندى 32 سنة، وعارضة نفسي الجواز على فيسبوك، وعارفة أنه قرار مش سهل، وهيسبب مشاكل كتير بس أنا دراسته كويس أوى، وهتحمل نتيجته الوحشة قبل الحلوة".

• شروط العريس المنتظر
أما عن الشروط التي تطلبها فيمن يتقدم للزواج منها فقالت: "مش عاوزة غير أنه يكون جد، مش متجوز، محترم"، وأضافت: "كان ممكن أعمل زى بنات التيك توك، لكنى أرقى من كده".

واختتمت: "اللي شايف نفسه جد من غير ما يهزر أو ياخد سكرين شوت ليا ويبعتها لأصحابه ويشيرها على الفيسبوك يبعتلي"، ورفضت أن تفصح عن أي تفاصيل خاصة بها.