رامز أمير لـ مهاجميه: مش بتشوفوا غير الهيصة

حرص الفنان رامز أمير، على توجيه رسالة للجمهور الذي يسانده في مشواره الفني، وأيضًا من يهاجمونه.

ونشر رامز صورة له من مسلسل الاختيار أثناء مشاهدة طفل للعمل، عبر حسابه على "إنستجرام"، وعلق قائلًا: "قبل أي حاجة، وأول حاجة.. الحمد لله والشكر لله على مشاعركم الجميلة وحبكم، والله ده كرم كبير أوي من ربنا مش شطارة منك".

وقال رامز: "تاني حاجة.. شكرا ليكم أنتم على كمية الحب اللي فعلا أكبر مني.. أنا بجد متخيلتش إن حلقة واحدة من مسلسل الاختيار ممكن تعملي النجاح ده كله.. اوعدكم إني هبذل كل اللي أقدر عليه عشان أبقى قد المسؤولية الكبيرة دي".

وتابع:"عاوز أقول حاجة للناس اللي بتشتمني وتقريبا بتشتم أي حد ناجح.. والله ما زعلان منكم، أنا متفهم عشان انتوا مش بتشوفوا غير الهيصة والنجاح اللي ممكن فعلا يبان تافه ومستفز، بس صدقوني النجاح اللي بيجي في ثانية ده، بيبقى وراه تعب سنين وبهدلة الناس مبتشفهاش".

ويتناول مسلسل الاختيار حياة البطل الشهيد أحمد صابر منسى - قائد الكتيبة ‏‏103 صاعقة - الذي استشهد في كمين "مربع البرث"، بمدينة رفح ‏المصرية عام 2017، أثناء التصدي لهجوم إرهابي في سيناء، ‏ويُظهر العمل العديد من الجوانب الاجتماعية والإنسانية ‏في حياة البطل الراحل.