حسن شاكوش: منتظر فرصتى للتمثيل.. وحمو بيكا بيضحكنى
قال المطرب الشعبي حسن شاكوش، إنه على استعداد لخوض تجربة التمثيل، كممثل وليس كمطرب، مؤكدا أنه يحب التمثيل ومنتظر فرصته.
وأبدى شاكوش، تعجبه من الفيديوهات المتداولة للمطرب حمو بيكا وهو يهاجمه فيها، ويعتبر نفسه صاحب الفضل عليه في انطلاقته الفنية الحالية بعد مشاركته في مهرجانات، قائلا: "لو حمو بيكا عملني امال ربنا فين، وانا عملت قبل الشغل معاه حاجات كتير ونجحت وبعدها عملنا شغل مع بعض".
وعلق المطرب حسن شاكوش، في برنامج "شيخ الحارة والجريئة" تقديم المخرجة إيناس الدغيدي عبر شاشة "القاهرة والناس": على هجوم حمو بيكا عليه في فيديوهاته قائلا: "في ود بيني وبين حمو بيكا ومعرفش عملت له إيه عشان يطلع يهاجمني، وهو طيب وغلبان وممكن أى حد يقوله أي كلام يصدقه ويسخنه عليها، وحمو بيتكلم أي كلام وخلاص وبضحك لما بشوف فيديوهاته".
