بسبب العزل المنزلى.. مها أحمد تغازل زوجها بكلمات رومانسية
شاركت الفنانة مها أحمد، جمهورها بصورة من زفافها، وغازلت زوجها الفنان مجدي كامل، عبر حسابها الشخصي على موقع "إنستجرام".
وكتبت مها، تعليقا على الصورة: "طول عمرى كنت بحلم إن ربنا يكرمنى ويكون من نصيبى شاب ابن حلال وطيب وحنين وشهم وجدع وأهم شيء يكون بيحبنى ويحطنى جوه عنيه، الحمد لله رب العالمين إنى من أول يوم دخلت فيه المعهد، وبدأت تحقيق طموحى الفنى ربنا رزقنى بالهدية اللى كنت بحلم بيها وهى إنت، من أفضل وأجدع شباب المعهد، كل البنات تتمنى نظرة منه لكن ربنا أراد إنك تختارنى وتحبنى وتراعى ربنا فيا".
وتابعت "مها": "وأنا بقلب في ألبوم ذكرياتى الجميلة افتكرت كل كلمة حلوة قلتهالى كل طبطبة طبطبت فيها عليا كل حب كل حنان طول فترة زواجنا، كنت صاحبى وأخويا وأبويا وأستاذى وابنى، عمرك ما حرمتنى من حاجة كنت سخى فكل حاجة ربنا يخليك ليا ولولادك، يمكن الظروف الصعبة اللى مرينا بيها عمرك محسستنى إن الحمل تقيل عليك رغم إنى عارفهة إنه تقيل وتقيل قوى بس إنت قد كل صعب".
واختتمت مها أحمد حديثها قائلة: "زوجى وأفتخر النجم المكافح المحترم المحبوب حبيب الملايين مجدى كامل.. آسفة طبعا إنى أقول القعدة مدة طويلة في البيت أعتقد إنها مصلحة لكل زوج وزوجة يطلعوا ألبوم ذكرياتهم ويحاولوا يسترجعوا أحلى أيام العشرة الطيبة يمكن لو عملنا كده ربنا يهون علينا ويفك كربنا ويبعد البلاء. بسم الله ما شاء الله ربنا يباركلى فيك ويخليك لولادك ويقويك حبيب عمرى نجم النجوم مجدى كامل".
