رئيس مجلسى الإدارة والتحرير
محمد الباز
رئيس مجلسى الإدارة والتحرير
محمد الباز

«ببيع حاجتي عشان بنتي».. طليقة خالد عليش توجه رسالة له

خالد عليش وطليقتة
خالد عليش وطليقتة

هاجمت الفنانة ميما الشامي طليقها خالد عليش بسبب أزمة النفقة، وذلك من خلال منشور لها عبر حسابها الرسمي بموقع التواصل الاجتماعي "فيس بوك".

ميما الشامي طليقة خالد عليش


 وقالت "الشامي" في المنشور: "هو 4000 جنيه في الشهر يكفي بنت في مدرسة إنترناشونال في حين باباها بيقبض 75000 جنيه.. هو اللي هاني وضربني وكنت أنا اللي بعتذر عشان أنا قصرت واخد فلوسي وبعترف بده بس مش عايز يدهاني غير لما أوافق على شروطه ولا ألجأ للقضاء".

وأضافت: "أنت متعرفش أنا ببيع إيه عشان أصرف على بنتي خاصة إني مريت بظروف قاسية جدا وتحديدا بعد مرض والدتي".

وتابعت ميما الشامي: "والنبي الناس اللي بتكلمني عشان أشيل البوست إنتو متعرفوش أنا مستحملة إية أنا وبنتي ومتعرفوش أنا عملت مع الراجل ده إيه ومتعرفوش أنا ساكتة بقالي قد إية". 

واستكملت: "متعرفوش أنا ببيع إيه عشان بنتي لإن آخر 8000 جنيه كانو معايا هو أخدهم.. ومتعرفوش أنا اتهنت إزاي منه ومن أهله ومن صحباته البنات فالبوست ده آخر حل عندي لإن مكنتش عايزة أعمل كدة مش عشاني ولا عشانه احنا بنا ربنا وهيحكم بنا". 

وتابعت: "امي جالها الكانسر والناس كلها اتحايلت عليه يوقف جنب مراته.. وبعتله لو سمحت عايزة فلوسي من فضلك أنا ببيع ذهب أبويا قالي مليش دعوة". 

ونشرت ميما الشامي، منشورا آخر، قالت فيه: "للناس اللي مغالطاني إني نشرت حياتي الشخصية وإن كان مفروض اسكت وده أسرار بينا صدقوني أنا مش مبسوطة خالص إن عملت كدة للأسف ضاقت بيا كل السبل ومليش غير الدعاء إن ربنا يهدي ويفوق".

وأضافت: "مش هقولكوا على كسرة القلب والوجع اللي معتقدش هيروح في يوم من الأيام ولا هقولكوا على صدمتي في أعز الناس اللي كان أغلى من روحي ولا هقولكوا إحساس إني عريانة وسط الناس..أنا أمي وحياة تعبها ما كانت تعرف حتى هو بيقبض كام ولا حتى بعد ماهو غلط في أمي اللي عمرها ماقالتلو كلمة تضايقة". 

واختتمت قائلة: "شكرا لكل الناس اللي شيفاني غلط وأتمنى من الله متتحطوش في موقفي لإن الله أعلم كان ردكم هيكون إيه".

وفي سياق مختلف، انطلق يوم 29 من شهر فبراير الماضي أولى حلقات برنامج "مين على الباب" الذي يقدمه الإعلامي خالد عليش والذي يعتمد على المفاجآت حيث يفاجئ الضيوف في بيوتهم ويطرح عليهم أسئلة خفيفة مقابل جوائز.

ويشمل البرنامج مشاركة كل الطبقات الاجتماعية بداية من سكان الأسمرات وروضة السيدة وحتى الإسكان المتوسط والفاخر، كما ستنتقل كاميرات البرنامج بين محافظات مصر كلها.