الجمعة 28 فبراير 2020 الموافق 04 رجب 1441

علياء عساف لـ محمد رمضان: «كفاية منظرة وراجع نفسك»

الخميس 13/فبراير/2020 - 07:21 م
الفنانة الشابة علياء
الفنانة الشابة علياء عساف
سناء إسماعيل
طباعة
شنت الفنانة الشابة علياء عساف، الشهيرة بـ"أم الشحات"، منذ طفولتها هجومًا حادًا على الفنان محمد رمضان، بعد واقعة أزمة الطائرة الخاصة وإقالة قائد الطائرة ومساعده.

وقالت علياء عساف في تدوينة مطولة عبر صفحتها الشخصية بموقع "إنستجرام": "اشتغلت معاه بس ماتقابلناش غير في مشهد واحد كنت بسمع إنه شخصية لطيفة ومحترمة وكان أي حد بينتقدوا. كنت بقول لا ده كويس وبدافع عنه وبقول فرحان بنجاحه بس اللي بيحصل ده عيب قوى".

وتابعت: "عيب لما بدل ما تقف جنب الراجل اللي كنت السبب فقطع عيشه تتريق عليه. عيب لما بدل ما تساعده تطلعه كداب وإنه بيستغلك ولو حتي افترضنا إنه طلب منك الفلوس دي كلها وأنا شبه متأكدة إن ده ماحصلش كنت حل الموضوع بطريقة اشيك من كده لكن تسف وتتريق علي راجل محترم وعنده تاريخ زي ده بالمنظر ده والراجل مغلطش فيك في ولا كلمة ده اللي عيب".

وأضافت: "اللي نمبر وان مش بيبقي مؤذي ومش بيبقي السبب في قطع عيش حد نمبر وان ده بيحس بالناس وبيراعي شعورهم ووجعهم بيحس بالناس اللي مش لاقية تاكل مش بيتمنظر عليهم بالعربيات والطيارات وانه عنده فلوس. عرفنا انك غني ما شاء الله ومعاك فلوس كتير مابتخلصش وانك راكب احسن عربيات بس يا نمبر وان في فنانين كتير قوي معاهم فلوس ومش بيتمنظروا بيها كده عشان ان الناس ده فاهمة يعني ايه في ناس تانية مش لاقية اللقمة ولا بيت يسترها وبيحتفظوا بحياتهم لنفسهم عشان مش بيحبوا المنظرة".

وتابعت: "كفاية منظرة وراجع نفسك عشان مش دايمة لحد وصدقني قطع عيش الراجل اللي قعد في بيتهم عشان صورة تتمنظر بيها علي الناس وتزود لايكات ويتكتب انك اجمد واحد في الكون وانك سايق طيارة ربنا مش هيعديه بالساهل. الراجل ده غلط بس عقابه كان قاسي قوي والسبب هو منظرتك. كلنا بنتصور وبنجيب حاجات وبنسافر وبنعمل اللي يفرحنا بس مش بنعمل كده. كل يوم في شباب بتموت ولو جه معادنا مش هناخد حاجة معانا.. افتكر الكلام ده كويس انا اسفة لو كلامي سخيف بس ماقدرتش امسك نفسي بصراحة".

يذكر أن علياء عساف اشتهرت من طفلوتها في فيلم "بلية ودماغه العالية" بدور "أم الشحات"، وبعدها شاركت في مسلسل "ابن حلال" مع محمد رمضان.