الخير للغير.. مبادرة شبابية للتبرع بالأدوية غير المستخدمة

"ممكن تكسب ثواب وتشارك غيرك بالأدوية غير المستخدمة عندك وتتبرع بيها وتساهم في العلاج مجانا وتكسب صدقة جارية كلنا عندنا أدوية مرمية ومحديش بيستفاد بيها" من هنا أطلق مجموعة من الشباب مبادرة للتبرع بالأدوية للمحتاجين عن طريق جروب على موقع التواصل الاجتماعي «فيس بوك».

يقول محمد الفرماوي، المسئول عن المبادرة، "كتير مننا عندنا علاج مش بستفيد منه وصلاحيته بتنتهي ونرجع نرميه وغيرنا ممكن يكون محتاجة، فمنها جاتلي فكرة أن كل واحد عنده علاج مش هيستفيد بيه يتبرع لينا واحنا بتبرع بيه للمرضي الي عندهم مشكلة فى القدرة على شراء الدواء".

أضاف الفرماوي، لـ«الدستور»، أن ارتفاع سعر الأدوية أزمة حقيقية فى مصر تواجه أعدادًا كبيرة ممن زاد المرض معاناتهم، فأهم ما فى فكرة التبرع بالدواء والمتبرع لا يتكلف شيئًا، سواء كان مالًا أو مجهودًا، فالدواء يكون فائضًا بالفعل عن حاجة البعض، كما أنه يساعد آلاف المحتاجين الحقيقيين.

واستكمل حديثه:"معظم المرضى يقومون بشراء أدوية زائدة عن حاجتهم ولا يتم استخدامها قبل انتهاء صلاحيتها فيكون مصيرها التلف".

وأكد أنهم يقومون بجمع الأدوية الفائضة وفرزها والاطمئان على تاريخ صلاحيتها وجودتها ويتم وتوزيعها على المرضى من الأسر محدودة الدخل للاستفادة بها.