قاتل صديقه بـ12 طعنة يمثل جريمته على كوبري السلام
اصطحبت نيابة حوادث شرق القاهرة الكلية، برئاسة المستشار عصام خليفة، المتهم بقتل صديقه بسبب خلافات مالية، لتمثيل الجريمة وسط حراسة أمنية مشددة.
وقال المتهم خلال التحقيقات: "أنا والمجني عليه من سوهاج وجينا القاهرة علشان ناكل عيش واشتغلنا حاجات كتير وكنا بنشيل الفلوس اللي اشتغلنا بيها علشان نفتح مشروع لينا وآخر مبلغ وصلنا ليه كان 40 ألف جنيه، وقبل الواقعة كنت حاسس أن المجني عليه عاوز ياخد الفلوس ويهرب".
واستطرد المتهم: "وضعت خطة للتخلص من صديقي علشان أخد الفلوس كلها اتغدى بيه قبل ما يتعشى بيا واشتريت سكين لتنفيذ الجريمة، طلبت منه نتمشى شويا على طريق مصر - الإسماعيلية ووصلنا لكوبري السلام، وهناك خلصت عليه بـ12 طعنة وخت الفلوس منه ورجعت الشقة حتى تم القبض عليا".
وكشفت تحقيقات النيابة عن ورود إخطار لمباحث العاصمة من مستشفى اليوم الواحد في السلام، باستقباله "خ. م" 29 سنة، جثة هامدة.
وبإجراء التحريات وجمع المعلومات تبين أن وراء الجريمة صديق المجني عليه، وباستكمال الفحص وبإجراء المناظرة للجثة تبين وجود طعنات متفرقة بالجسد بالإضافة لوجود سحجات متفرقة وأن الوفاة نتيجة الطعن بسلاح أبيض.
تحرر المحضر اللازم بالواقعة، وتم العرض على النيابة التي أصدرت قرارها السابق.
