ريم البارودي تكشف سبب نجاح مشهد انهيارها في "قيد عائلي"
كشفت الفنانة ريم البارودي، سر نجاح مشهد انهيارها بعد وفاة طفلها في مسلسل "قيد عائلي"، والمعروض خلال الوقت الحالي.
وقالت ريم البارودي، في منشور عبر صفحتها الشخصية بموقع "إنستجرام": "بطبطبي على قلبي كأني حتة منك مهما كتبت عمري ما أعرف أوصف أخلاقك وحنيتك وجدعنتك دي سنين طويلة وجودك في حياتي نعمة كبيرة البوست ده على إحدى المكالمات الهاتفية اللي بينا النجمة الكبيرة وفاء عامر كلمتها الفجر وأنا في حالة عصبية شديدة قولتها بقالنا كتير مش بنصور وراجعين التصوير وعندي بكرة الصبح مشهد صعب جدا مستر سين وعمري ماعملت حاجة شبهه قبل كده موت ابني طفل وأنا مش أم ومش عارفة الإحساس وهل هو مختلف عن موت الأب والأم وكنت خايفة خوف لإن كل أم هتتفرج".
وأضافت: "جاوبتني على كل التساؤلات اللي بدور في عقلي وقلبي حتى من غير مقولها عمري ما انسى ردك وانتي بتقوليلي أمينة رزق لم تنجب وبخبرتك وعشقك للفن كانك مدرس وبيذاكر ويراجع مع تلميذه عشان داخل امتحان شكرا وحفضل دايما أشكرك على وجودك في حياتي لإنه فرق كتيرر في حياتي قيد عائلي أهم مشهدين كانو النهارده أنا نجحت يا وفاء والفضل يرجع ليكي".
مسلسل "قيد عائلي"، من بطولة الفنان عزت العلايلي، بوسي، صلاح عبدالله، سيمون، محمد رياض، دينا فؤاد، ميرنا وليد، رامي وحيد، خالد سرحان، نضال الشافعي، هالة فاخر، أحمد التهامي، ميرهان حسين، ريم البارودي، إنعام سالوسة، صبري فواز، منة فضالي، محمد نجاتي، إيهاب فهمي، عمر الشناوي، هشام المليجي، سمير بدير، دنيا عبدالعزيز، كارولين عزمي، أميرة هاني، كريم عبدالخالق وغيرهم من النجوم وهو من إنتاج شركة فنون مصر ومن سيناريو وحوار محمد رجاء وميشيل نبيل وإخراج تامر حمزة.
