شقيقة أحمد توجه استغاثة عاجلة لمستشفى القوات المسلحة لإنقاذه

من الإستغاثات الواردة إلى قسم أبواب الخير بجريدة "الدستور"، استغاثة المواطنة رحاب حسن بخصوص شقيقها أحمد والتى روت فيها قصته قائله:

"أحمد عنده 18 سنة كان في مصيف.. وقف على صخره ارتفاع 6 متر ونط من عليها جوا البحر، والأرض كانت قريبة وقع على دماغه غرزت في الرمل
حصله كسر وخلع في الفقرة العناقية وكسر في الفقرة الخامسة والرابعة.. أدى إلى قطع في النخاع الشوكي، واتسبب في شلل تام في الأطراف وعدم التحكم في البول والبراز".

وتواصل:"اتنقل لمستشفى الميري الجامعي في إسكندرية، وفضل يوم ونص من غير أي اسعافات ولا أي حاجة، تم نقله بعربية إسعاف مجهزة للقاهرة لمستشفي معهد ناصر ودخل عمل رنين وسونار وتحاليل شاملة..حصل عنده ضيق في التنفس نتيجيه ضغط من الحجاب الحاجز وانسداد معوي وشلل للمعدة وإنزمات الكبد عليت 7 مرات عن الطبيعي ودخل على جلطة في رجيلة..بعد يوم ونص من دخول معهد ناصر عمل عميلة استئصال للفقره الخامسة وتركيب فقرة صناعية وشريحة معدنية وفضل في الرعاية المركزه 6 أيام، وبعد كده خرج من الرعاية وخرجوه من المستشفى كلها.. حاليا بيتالم جدا ودرجه حرارته 39 ونص، ومش بتنزل بأي شكل ولا أي دواء..ومش بيتحرك غير بالإسعاف لانه لازم يفضل على ضهره..ومفيش أي دكتور قال حاجة عن الحالة.. بيقولو هيفضل كده طول عمره ".

وتتابع:"أحمد محتاج يدخل مركز التأهيل الطبى للقوات المسلحة، وفتح الملف بس فيه بـ٥٠ ألف جنيه وبعد ما يتعرض على اللجنة الطبيه هناك حيتم تحديد العلاج المناسب له وتكلفة العلاج لمدة سنتين على الاقل طبعا الكلام ده غير علاج قرحة الفراش".

رجاء من كل القلوب الوقوف بجانب أحمد.

أرجوا من الجميع المساعدة فيما تستطيع

للمساعدة الحالة التواصل على الرقم
01096679466